भरतपुर/आफूले लिएको शिक्षालाई सिप मार्फत आफ्नै क्षेत्रमा केही गर्नुपर्छ भन्ने भावनाका साथ भरतपुर–१२ चितवन निवासी विपशा क्षेत्रीले व्यवसायिक दृष्टिकोणले अति उत्तम मानिएको भरतपुरस्थित मालपोतचोकमा ब्लोसम ग्यालेरीको शुभारम्भ गर्नुभएको छ । समयअनुकुल आवश्यक डिजाइनहरुसँगै पश्चिमी दुल्हन पोशाकहरुमा समेत कढाईको काम गरिने सञ्चालिका विपशा क्षेत्रीले जानकारी दिनुभयो । शुभारम्भको समयमा आफ्ना ग्राहकहरुलाई विशेष छुट समेत उपलब्ध गराईएको सञ्चालिका क्षेत्रीले बताउनुभयो ।

ब्लोसम ग्यालेरीको कार्यक्रमका प्रमुख अतिथि भरतपुर महानगरपालिका वडा नं. १२ का वडाअध्यक्ष लेखराज पन्त (हरि) ले एक विशेष कार्यक्रमका बीच समुद्घाटन गर्नुभएको थियो । प्रमुख अतिथि पन्तले भरतपुर क्षेत्रका ग्राहकहरुको मागलाई ब्लोसम ग्यालेरीले पक्कै पनि सहजता प्रदान गर्ने बताउनुभयो । सानै उमेरमा आफूले लिएको शिक्षालाई सिप मार्फत आफ्नै क्षेत्रमा केही गर्ने उद्देश्यका साथ विपशाले जुन लक्ष्य लिनुभएको छ यसले पक्कै पनि सफलता पाउने पन्तले बताउनुभयो ।