चितवन/समाजवादी प्रेस संगठन चितवनको अध्यक्षमा पुनः टिकादत्त तिमिल्सिना चयन भएका छन् । बुधबार सम्पन्न पहिलो साधारण सभा तथा अधिवेशनबाट तिमिल्सिनाको अध्यक्षतामा नयाँ कार्यसमिति चयन गरिएको हो । तीन वर्षे कार्यकालको लागि गठित ११ सदस्यीय नयाँ कार्यसमितिको उपाध्यक्षमा रामु आचार्य र सरस्वती लामा चयन भएका छन् । सचिवमा पूर्णबहादुर आलेमगर (विशाल), कोषाध्यक्ष बबिलाल तामाङ र सह–सचिवमा विजय चौधरी चयन भएका छन् ।
Advertisement
सदस्यहरूमा भने उषा श्रेष्ठ, कवता गायक, सुरेश अधिकारी, अर्जुन चौधरी र एलिशा तिमिल्सिना चयन भएका छन् । नेकपा एमाले विभाजन भएपछि गठन भएको नेकपा एकीकृत समाजवादी पार्टीसम्वद्ध जनवर्गीय संगठनको रूपमा उदाएको प्रेस संगठनको केन्द्रीय समितिको निर्देशनानुसार जेठ मसान्तभित्र जिल्लाको अधिवेशन गराउनुपर्ने परिपत्रको आधारमा बुधबार चितवन जिल्लाको अधिवेशन गरिएको संगठनले जनाएको छ ।
