रिजउड नेपाली समाज, न्यूयोर्कको सन् १९९८ मा परिकल्पना गरी सन् २००३ मा Non profit organization को रुपमा विधिवत दर्ता भएको न्यूयोर्क स्थित “रिजउड नेपाली समाज” ले देखेको सपना बल्ल पुरा भएको छ । गत मे २३, २०२३ मंगलवारका दिन खरीद प्रक्रिया सम्पन्न गरी “रिजउड नेपाली समाज” ले आफ्नै स्वामित्वमा नेपाली सांस्कृतिक केन्द्र एवं दुर्गा मन्दिर भवनको खरीद प्रक्रिया सम्पन्न गरी भवनको साँचो जिम्मा लिएको हो ।
रिजउड नेपाली समाजका अनुसार, आर्थिक सहयोग संकलनका लागि सन् २०१० र २०१७ मा न्यूयोर्कमा महापुराण लगाईएको थियो । उक्त महापुराण मार्फत बोलकबोल गरी दान दिनुहुने दाताहरु र स्वयमसेवक एवं सबै सहयोगी महानुभावहरु प्रति रिजउड समाजले हार्दिक धन्यवाद व्यक्त गरेको छ ।
यस अघि सन् २०११ मा सो समाजले रिजउडमा भवन निर्माणको निम्ति जग्गा खरीद गरेको थियो भने सन् २०२१ को जून महिनामा सम्पन्न समाजको साधारणसभाको निर्णयले उक्त जग्गा युएस डलर $९९०,००० मा बिक्री गरी $१,९९०,००० मा खरीद गरेको हो !
उक्त भवनमा एउटा ठुलो हल, मन्दिर कक्ष, ४ वटा अपार्टमेन्ट, ३ वटा अफिस स्पेस रहेको कुरा रिजउड नेपाली समाजका जनाएको छ ।
रिजउड समाजले भवन खरीद गरेकोमा खुसी व्यक्त गर्दै यस खरीद प्रक्रियाको लागि Personal Guarantee बसी संस्थाले $९९०,००० ऋण लिएको कुरा सबैमा जानकारी गराएको छ । साथै अहिलेसम्म कबुल गरि दान रकम दिन बाँकि रहेका सम्पूर्ण दान दाताहरु एवं नयाँ दाताहरुले यथासक्य दानरकम उपलब्ध गराइदिनुहुन विनम्र अनुरोध गरेको छ ।
यथाशीघ्र उद्घाटन गरेर संचालनमा ल्याईने यस भवनमा बिभिन्न धार्मिक कार्यक्रम, पुजाआजा, साना नानीबाबुहरुको निम्ति नेपाली पाठशाला, शारीरिक व्यायाम एवं नृत्यका कक्षाहरु संचालन गरिने कुरा सो समाजले जनाएको छ ।
Advertisement
