चितवन/राप्रपाका बरिष्ठ उपाध्यक्ष एवं पूर्बमन्त्री बिक्रम पाण्डेले चितवनका किसानले तरकारीको उचित मुल्य नपाएकोप्रति गम्भिर ध्यानाकर्षण भएको बताउनु भएको छ । शुक्रबार एक विज्ञप्ति जारी गर्दै चितवन जिल्लाको निर्वाचन क्षेत्र नम्बर ३ का प्रत्यक्ष निर्वाचित सांसद समेत रहनुभएका बरिष्ठ उपाध्यक्ष पाण्डेले सरकारलाई चितवनका किसानको समस्या तत्काल सम्बोधन गर्न समेत माग गर्नुभएको छ ।

साथै पूर्बमन्त्री पाण्डेले आगामी आर्थिक वर्षका लागि बिनियोजित बजेटमा किसान र कृषिजन्य उत्पादनलाई बढावा दिने योजना नल्याएको भन्दै असन्तुष्टि जनाउनु भएको छ । किसानले तरकारीको उचित मुल्य नपाउदा वर्षेनी बारीमै जोत्नुपर्ने र दुग्धजन्य उत्पादनको उचित मुल्य नपाउदा आँफैले नष्ट गर्नुपर्ने अवस्थाको दिर्घकालिन समाधान सरकारले खोज्नुपर्ने उहाँको भनाई छ । कालिका ग्रुपका अध्यक्ष तथा प्रबन्ध निर्देशक पाण्डेले कालिका एफ एम सदैब किसानका साथमा रहेको भन्दै समस्यामा समाधान खोज्न समेत तत्पर रहेको प्रतिबद्धता ब्यक्त गर्नुभयो ।