कुरिनटार/चितवनको इच्छाकामानामा विपन्न परिवारलाई बाख्रा पाठी पैचो दिएका छन् । विपन्न समुदायको आर्यआर्जनमा सहयोग पु¥याउने उद्देश्यले निष्ठा आधार नेपालले ग्लोबल केयर एलायन्सको सहयोगमा इच्छाकामना गाउँपालिका वडा नम्बर १ काउले कोलभञ्ज्याङका विपन्न ५० घर परिवारलाई पैचो पाठी वितरण गरिएको हो । ५० वटा बाख्रासँगै समूहलाई दुईवाट बोको समेत हस्तान्तरण गरिएको निष्ठा आधार नेपालका कार्यक्रम संयोजक राजु भित्राकोटीले जानकारी दिनुभयो । खोर अनुगमन, रेखदेख, र आवश्यकताका आधारमा समिति बनाएर पैंचो बाख्रा वितरण गरिएको भित्राकोटीले बताउनुभयो । स्थानीयहरुकै नेतृत्वमा विपन्न पहिचान गरि बाख्रा व्यवस्थापन समितिनै बनाएर पैंचो बाख्रा वितरण गरिएको संयोजक भित्राकोटीले बताउनुभयो ।
उहाँका अनुसार अहिले बाख्रा पाउनेहरुको बाख्राले पाठापाठी पाएपछि एउटा पाठा वा पाठी समितिलाई फिर्ता गर्ने शर्तमा बाख्रा वितरण गरिएको हो । गाउँघरमा यसलाई पैंचो दिएको भन्ने मानिन्छ । समितिले प्राप्त गर्ने उक्त बाख्राको पाठा वा पाठीलाई पुनः अर्को विपन्न परिवारलाई हस्तान्तरण गर्ने गरी पैंचो बाख्रा वितरण गरिएको कार्यक्रम संयोजक राजु भित्राकोटीले बताउनुभयो । पहाडी क्षेत्रमा प्रशस्तै चरिचरन भएकाले पनि बाख्रापालनको राम्रो सम्भावना रहेकाले परीक्षण स्वरुप पैंचो स्वरुप ५० वटा बाख्रा वितरण गरिएको संयोकजक भित्रिकोटीको भनाई छ । उहाँले भन्नुभयो,“यहाँ पहाडी क्षेत्रमा बाख्राको चरिचरन रहेको छ , विपन्न परिवारको आयआर्जनका लागि सहयोग पु¥याउने उदेश्यले परिक्षण स्वरुप पहिलो चरणमा ५० वटा बाख्रा वितरण गरिएको हो, प्रभावकारिता हेरेर अन्य विपन्न परिवारका लागि पनि बाख्रा वितरण गर्ने योजना रहेको छ ।” अहिले तत्कालका लागि वडा नं. १ बाट सुरु गरिए पनि कार्यक्रमको प्रभावकारिता र आवश्यकताका आधारमा थप अन्य वडाहरुमा पनि यो कार्यक्रम विस्तार गरिने कार्यक्रम संयोजक भित्राकोटीको भनाई छ ।