काठमाडाैं /गोरखाका प्रकाश भट्ट नेपाल सार्वजनिक सेवा कर्मचारी संघ राष्ट्रिय समितिको उपाध्यक्षमा चयन भएका छन् । शनिवार भएको अधिवेशनबाट गोरखा जिल्लाकाे भिमसेन थापा गाउँपालिकाका भट्ट उपाध्यक्षमा सर्वसम्मत चयन भएका हुन् । हाल उनी समाजकल्याण परिषदमा कार्यरत छन् । यस्तै संघको अध्यक्षमा राजेन्द्र प्रसाद दाहाल, बरिष्ठ उपाध्यक्ष प्रमिला ढुङ्गाना, तीन उपाध्यक्षहरु प्रकाश भट्ट, फडिन्द्र पौडेल, हेमदत्त देवकोटा रहेका छन् । महिला उपाध्यक्षमा गंगा भण्डारी, जनजाती उपाध्यक्षमा प्रताप लामा, मधेसी उपाध्यक्षमा अत्ताउल्लाह अन्सारी, दलित उपाध्यक्षमा शंकर बिक, महासचिव रमेशप्रसाद जोशी चयन भएका छन् । यस्तै चार जना उप महासचिव, उप महासचिव महिला एक जना, कोषाध्यक्ष र सह कोषाध्यक्ष एक-एक जना चयन भएका छन् । युवा संयोजक एक जना र अन्य १५ जना खुल्ला सदस्य रहेका छन् । महिला सदस्य पाँच जना, जनजाती, मधेसी र अपाङ्गता सदस्य एक-एक जना रहेका छन् ।
