भरतपुर/“व्यवसायिक एकता हाम्रो प्रतिवद्धता” भन्ने मूल नाराका साथ सिलाई व्यवसायीहरुको हक, हितको लागि रहेको नेपाल कपडा तथा सिलाई व्यवसायी संघ चितवनको १६ औं वार्षिक साधारणसभा तथा १० औं अधिवेशन सम्पन्न
नेपाल कपडा तथा सिलाई व्यवसायी संघ चितवनका अध्यक्ष सुधा पोखरेलको अध्यक्षतामा सम्पन्न साधारणसभा तथा अधिवेशनमा उद्योग वाणिज्य संघ–चितवनका उपाध्यक्ष राजेन्द्र वली प्रमुख अतिथि रहनुभएको थियो ।
प्रमुख अतिथि वलीले सिलाई व्यवसायीमा आवद्ध व्यवसायीहरुले संघले जारी गरेको सिलाई दररेटलाई कायम गरी एकरुपता ल्याउन सकेको खण्डमा संघ र ग्राहकहरुमा सम्बन्ध सुदृढ हुने विश्वास व्यक्त गर्नुभयो ।
कार्यक्रममा विशिष्ट अतिथि भरतपुर महानगरपालिका वडा नं. १ का वडाअध्यक्ष केशव महर्जनले साधारणसभाको सफलताको कामना र अधिवेशनले सक्षम नेतृत्व चयन गर्ने विश्वास व्यक्त गर्नुभयो ।