चितवन /चितवनमा १८० किलो लागुऔषध गाँजासहित भारतीय नागरिकलाई प्रहरीले पक्राउ गरि आज सार्वजनिक गरेको छ । जिल्ला प्रहरी कार्यालय चितवनले पूर्व पश्चिम राजमार्ग अन्तर्गत भण्डारबाट लोथरतर्फ जाँदै गरेको बिआर ०६ जी २१२८ नम्बरको भारतिय ट्रकमा लुकाई छिपाई भारत लैजादै गरेको गाँजा शुक्रबार बिहान पक्राउ गरेको हो । ट्रक चालक बिहार रक्सौल बस्ने ३० वर्षिय कुन्दन पटेललाई पक्राउ गिरएको कार्यालयका प्रमुख प्रहरी उपरिक्षक रामेश्वर कार्किले जानकारी दिनुभयो ।

कार्यालयले पत्रकार सम्मेलनको आयोजना गरि पक्राउ गरिएको गाँजा सहित नियन्त्रणमा लिईएका सबै सार्वजनिक गरेको हो । कार्कीका अनुसार गाँजालाइ १६ पोका वनाई लुकाई छिपाई लैजादै गरेको अबस्थामा पक्राउ गरिएको हो । पक्राउ परेका चालकलाई पाँच दिनको म्याद थप गरि आबश्यक अनुसन्धान सुरु गरेको उहाँले बताउनुभयो ।