भरतपुर/थारु कल्याणकारिणी सभा क्षेत्र नं. २ टार परगाना भरतपुर महानगरपालिका वडा नं. २५ मा विदाई तथा सम्मान कार्यक्रम सम्पन्न भएको छ । थारु कल्याणकारिणी सभा क्षेत्र नं. २ टार परगानाका सभापति टिकाराम महतोको अध्यक्षतामा सम्पन्न बिदाई तथा सम्मान कार्यक्रममा थारु कल्याणकारिणी सभाका जिल्ला सभापति ललित चौधरी प्रमुख अतिथि रहनुभएको थियो ।
प्रमुख अतिथि चौधरीले थारुहरुको पहिचान र वृद्धि विकासमा आफूहरु लागि परेको समेत बताउनुभयो । उहाँले थारुहरुका जायज मागहरुलाई सहकारसँग जोडदार रुपमा माग गर्ने समेत बताउनुभयो ।
कार्यक्रममा भरतपुर महानगरपालिका वडा नं.२० का वडा अध्यक्ष मुक्ति प्रसाद घले, भरतपुर महानगरपालिका वडा नं.२४ का वडा अध्यक्ष राम गोदार, भरतपुर महानगरपालिका वडा नं.२५ का वडा अध्यक्ष छविलाल सापकोटा, भरतपुर महानगरपालिका वडा नं.२७ का वडा अध्यक्ष राम बहादुर क्षेत्री भण्डारी, थारु सांस्कृति संङ्ग्रहालय मेघौलीका अध्यक्ष मायाराम महतो लगायतको उपस्थिति रहेको थियो ।