भरतपुर/ हाडजोर्नी विशेषज्ञ चिकित्सकहरूको संगठन नेपाल अर्थोपेडिक एशोसिएशन चितवन शाखाको नयाँ कार्यसमिति चयन भएको छ । सोमबार भरतपुरमा सम्पन्न साधारणसभाले डा. अर्जुन श्रेष्ठको अध्यक्षतामा नयाँ कार्यसमिति सर्वसम्मत चयन गरेको हो । ११ सदस्यीय नयाँ कार्यसमितिको वरिष्ठ उपाध्यक्षमा डा. हेमन्त गुप्ता, उपाध्यक्षमा डा. सुशील थापा र महासचिवमा डा. प्रमोद लामिछाने चयन भएका छन् ।

त्यस्तै कोषाध्यक्षमा डा. सुनिल पन्त, सहसचिवमा डा. मनोज कँडेल, सहकोषाध्यक्षमा डा. डा. देवेन्द्र आचार्य र सदस्यहरूमा डा. रमेश थापा मगर, डा. सौरभ ढकाल र डा. प्रकाश कँडेल चयन भएका छन् । निवर्तमान अध्यक्ष डा. सुरेश पाण्डे कार्यसमितिमा पदेन सदस्य रहने छन् । त्यस्तै साधारणसभाले डा. विष्णुदेव शर्माको संयोजकत्वमा तीन सदस्यीय साइन्टिफिक कमिटी पनि गठन गरेको छ । कमिटी सदस्यहरूमा डा. सञ्जीव रिजाल र डा. युगेश राज पन्त सदस्य रहेको नवनिर्वाचित महासचिव डा. प्रमोद लामिछानेले जानकारी दिए ।

साधारणसभाले हाडजोर्नीसम्बन्धी शैक्षिक गतिविधि थप विकसित र मजबुत बनाउन पहल गर्ने निर्णय गरेको डा. लामिछानेले बताए । त्यस्तै हाडजोर्नीसम्बन्धी सेवा थप चुस्त, स्तरीय र विपन्न वर्गको पहुँचसम्म पु¥याउन यो कार्यकालमा पहल गरिने उनले बताए । त्यस्तै एशोसिएशनका सदस्य तथा बिरामीबीचको सम्बन्ध थप मजबुत र नजिक बनाउन पहल गर्ने उनले बताए । यो कार्यसमितिको कार्यकाल २०२३ देखि २०२५ सम्म रहने छ ।