गैडाकोट/शिक्षा आर्जन गरेर संगठित रुपमा अघि बढ्न आग्रह समेत गर्नु भयो । नेपाल दरै उत्थान समाजका केन्द्रीय सदस्य  सन्त बहादुर दरैले पनि संस्कार र संस्कृति संरक्षणमा जोड दिनु भयो । गैडाकोट नगरपालिका ८ का वडा अध्यक्ष प्रेम प्रसाद सापकोटाले दरै  लगायत जनजातिले आफु सधै पछाडी परेको भन्ने सोच बाट अगाडी बढ्न नसकेकोले नै अगाडी बढन् नसकेको बताउनु भयो । उहाले  सकारात्मक सोचका साथ अगाडी बढ्न सुझाब दिनु भयो ।  वडा अध्यक्षले   गैडाकोटमा बसोबास गर्ने दरै कुमाल समुदायलाई आर्थिक रुपमा मजबुत बन्न एउटा विकल्प होमस्टे सन्चालनमा ल्याउन वडा संग सहकार्य गर्न समेत सुझाब दिनु भयो ।

कार्यक्रमका विशिष्ठ अतिथि नेपाल दरै उत्थान समाज चितवनका अध्यक्ष रेशम दरैले शिक्षाको कमीले दरै समुदाय हरेक क्षेत्रमा पछाडी परेको बताउनु भएको छ । राज्यले पनि  दरै समुदायलाई हरेक कुरामा पछाडी पारेको गुनासो गर्नु भयो । आदिवासी जनजाति भित्र पनि सिमान्तकृत समुदायमा पर्ने दरै समुदायले पाउनुपर्ने कोटामा पनि अपांगता कोटा लगायतका पाउने गरेकैले दरै समुदाय प्रतिस्प्रधामा जान नसक्दा पछाडी परेको बताउनु भयो । उहाले भाषा  संरक्षणका लागी नगरपालिकालाई ध्यानाकषर्ण गराउनु भयो ।

नेपाल दरै  उत्थान समाजका केन्द्रीय सदस्य सिद्धिकुमारी दरैले  यस्ता कार्यक्रमले सम्पुर्ण दरै समुदायलाई आपसी भाइचार र सम्बन्ध गास्ने महत्वपुर्ण समय भएको बताउनु भयो । उहाले पनि भाषा भेषभुषालाई संरक्षण गर्दै पुस्तान्तरण गर्नुपर्ने बताउनु भयो । नेपाल दरै उत्थान समाज नवलपरासीका जिल्ला सदस्य तथा बुलिङटार गाउपालिकाका कार्यपालिका सदस्य गौतम दरैले सम्पुर्ण दरै एकजुट भएर अगाडी बढेमा मात्र दरैले राज्यबाट चाहेका माग पुरागर्ने बताउनु भयो । उहाले कार्यक्रममा उपस्थित संख्याले दरै समुदाय लोप हुने अवस्थामा पुगेको महशुस भएको बताउनु भयो । यो संस्था नफा रहित संस्था भएकाले अबको नयाँ नेतृत्वलाई पदको लागी मात्रै नआउन आग्रह गर्नु भयो । प्राकृतिक दुर्गा देवी मन्दिरका अध्यक्ष बालुराम कुमालले विशेष गरी कुमाल  र दरै समुदायले पुजा गर्ने सो मन्दिरको भौतिक निमार्णको लागी तारबार र सभाहलको लागी नगरपालिकाले बजेट विनियोजन गर्न माग गर्नु भयो । नेपाल आदिवासी जनजाति महासंघका ललित गुरुङ्गले दरै समुदायले सन्चालन गर्ने यस्ता खालको कार्यक्रमलाई वडा र नगरपालिकाबाट बजेट दिनुपर्ने बताउनु भयो ।नेपाल दरै उत्थान समाज डेडगाउका पुर्व जिल्ला उपाध्यक्ष महेन्द्र दराईले दरै समुदायमा भएको विकृति र विसंगती हटाउनु पर्नेमा जोड दिनु भयो ।  नेपाल आदिवासी जनजाति महासंघ सचिव   रिम बहादुर दरै,नया बेलहानी खानेपानीका अध्यक्ष, मिन बहादुर दरै, केन्द्रीय सदस्य चन्द्र बहादुर दरै,नेपाल दरै उत्थान समाज डेडगाउका अमर बहादुर दरै,गैडाकोट नगरपालिका कार्यपालिका सदस्य रामकुमार दरै,नेपाल दरै उत्थान समाज कांखेका सचिव प्रेम कुमारी दरै लगायतले शुभकामना मन्तब्य राख्नु भएको थियो । कार्यक्रममा दरैहरुको संस्कार झल्कने नृत्य समेत प्रस्तुत गरीएको थियो । नवलपरासीमा ३ गाउपालिका र ३ नगरपालिकामा करिब ३५ सय दरै समुदायको बसोबास रहेको सचिव बेल बहादुर दरैले जानकारी दिनु भयो । समाजका अध्यक्ष हुम बहादुर दरैको अध्यक्षतामा भएको पाँचौ अधिबेशनले आजै नयाँ समिति समेत चयन गर्ने छ ।