हुन त जन्मोत्सवव प्रत्येक वर्ष आउने र मनाउने प्रचलन पनि छ । समाजमा जन्मोत्सवलाई अष्टचिरञ्जीवीको पुजा गरेर सांस्कृतिक रुपमा मनाउने प्रचलन विस्तारै हटेर केक काटेर, क्यान्डील निभाएर धुमधामका साथ मनाउने प्रचलन बढ्दो छ भने जन्मोत्सव धानीन नसक्ने गरी भड्कीलो पनि बनि रहेको छ । यस समयमा आफ्नो जन्मोत्सवलाई फरक र रचनात्मक ढंगले मनाउने कार्यको थालनी गर्ने केहि व्यक्तिहरु मध्य अग्र स्थानमा पर्दछन् वागमती प्रदेशका पूर्व सामाजिक विकास मन्त्री विजय सुवेदी । विजय सुवेदीको नाम चितवन लगायत समग्र वागमति प्रदेशमा निष्ठावान, चारीत्रीक, प्ररिश्रमी, सादगी र दीर्घकाललीन स्वरुपको विकास योजना प्रेमी नेताको रुपमा स्थापीत छ । कुनै कुरा विजयले भनेका हुन भने पछि यस्को पछाडि गहिरो अध्ययन होला, यो कार्यक्रम सफल हुन्छ भन्ने पर्न थालको छ आम सर्वसाधरणलाई । आज उनै विजय सुवेदीले सातौँ पटक पिपलको वृक्ष रोपेर जन्मोत्सव मनाए । उनको सुभेक्षा चाहने र जन्मदिनको कार्यक्रममा सहभागि हुने धेरैको इच्छा भए पनि अनौपचारीक रुपमा भरतपुर १२ गोन्द्राङ्गमा निर्माणाधिन राइनो पार्कको परिसरका आयोजित कार्यक्रममा केहि सुभेच्छुकहरुका विचमा सुवेदीले पिपलको वृक्ष रोपण गरे । वृक्षारोपण पूर्व सुवेदीले आफूले जन्मोत्सवको अवसरमा धेरै पटक रक्तदान गरेको र आफ्नो मृत्यू पर्यन्त सवै अंगसमेत दान गरी सकेको कुरा उल्लेख गर्दै मरण त निश्चित छ तर कतै आफु मरि सके पछ आफ्नो कुनै अंग रोगी भएर अरुको काम आउँदैन कि भनि चिन्ता लाग्ने गरेको भन्दा उपस्थित सवै भावुक मुद्रामा रहेको देखिन्थ्यो ।
सधै स्वदेशी वस्तुको उपभोगलाई प्राथमिकता दिनु पर्छ भन्ने मान्यता राख्ने सुवेदीले जन्मोत्सवको कार्यक्रममा पनि केराको पाइन्ट र स्टकोट, बास तथा अल्लोको कमीज र नेपाली ढाका टोपी लगाएर नेपाली वस्तुको प्रवद्र्धन गरेको देखिन्थ्यो । आफ्ना विगतका जन्मोत्सवमा भरतपुर महानगरपालिका वडा नम्वर २, ११ र १२ का चारवटा टोल विकास संस्था अन्तरगत रहेका भुमिहिन, अव्यवस्थीत वसोवासीकालागि जम्मा गरेको पचास पचास हजार रकमको आपतकालीन उद्धार तथा राहत कोषलाई थप सवल बनाउन आजकै मितिबाट प्रत्येक दिनको रु १०० जम्मा गर्ने र अर्को जन्मोत्सवका अवसरमा वितरण गर्ने घोषणा समेत गरेका छन् ।
आफ्नो परिचय सहित जन्मदिनको शुभकामना व्यक्त गर्दै सुरु भएको उक्त कार्यक्रममा भरतपुर महानगरपालिका वडा नम्वर १२ का वडा अध्यक्ष लेखराज पन्त (हरि), शिक्षाविद् रमाकान्त सापकोटा, साहित्यकार डिआर पोखरेल, रामवेल सामुदायिक बनका अध्यक्ष माधव धिताल, समाजसेवी सन्तोष पन्त, केशव रेग्मी , नहेन्द्र खड्का, विज्ञान पौडेल, मुर्तिकार सूर्य मध्यरात, भानुचन्द्र उपाध्याय न्यौपाने, संचारकर्मी रामवावु सुवेदी, रमेश पौडेल, राजेश घिमिरे लगायत करिव २५ जना सुवेच्छुकहरुको उपस्थिति रहेको थियो भने उक्त कार्यक्रममा आपतकालिन उद्धार तथा राहत कोष सञ्चालन भएका टोल विकास समितिका प्रतिनिधिहरुले कोषको अवस्था परिचालका सम्वन्धमा जानकारी समेत गराएका थिए ।