नारायणी नमूना मा वि भरतपुर २०७९/१२/०४ साहित्य सङ्गम चितवनको अायोजनामा सहिद पौडेल स्मृति पुरस्कार २०७९ समपर्ण तथा `कली´ उपन्यासको विमर्श कार्यक्रम सम्पन्न भएको छ,पुरस्कार संस्थापक परिवारको तर्फबाट सहिद शिव पौडेलका भाइ नारायण पौडेलको प्रमुख अातिथ्य तथा साहित्यकार सनत रेग्मी र भ म न पा प्रज्ञाप्रतिष्ठानका उपकुलपति इन्द्र रेग्मीको विशिष्ट अातिथ्यमा भएको कार्यक्रममा `जेम्म बौलाएको दिन ´ कथा सङ्ग्रहका लेखक सीताराम कोइरालालाई नगद रु १५,०००/- सहित सम्मानपत्रले पुरस्कृत गरियो ।सोही कार्यक्रममा कवि एवम् अाख्यानकार रेशम विरहीद्वारा लिखित उपन्यास `कलि´ को विमर्श समेत गरियो।समीक्षकद्वय प्रा कपिल अज्ञात र डा धनेश्वर भट्टराईले `कलि´ उपन्यासमाथि समीक्षात्मक टिप्पणी प्रस्तुत गरेका थिए। लेखक उदय अधिकारीले कथाकार सीताराम कोइरालाको कथा सङ्ग्रह `जेम्स बौलाएको दिन ´को समीक्षा र कथाकारको व्यक्तित्व कृत्तित्वमाथि चर्चा गरे। साहित्यकार इन्द्र रेग्मीले सहिद शिव पौडेलको बारेमा प्रकाश पारे। सङ्गमका अध्यक्ष प्रकाश चापागाईंको अध्यक्षतामा भएको कार्यक्रममा उपाध्यक्ष राजेन्द्र घायलले स्वागत मन्तव्य राखे भने सहसचिव कल्पना अाचार्यले कार्यक्रम सन्चालन गरेकी थिइन्।
