समयको कुनै प्रहरमा
आश्चर्य भयो
सबैको निधारमा लेखियो
मृत्युको मिति सबैले देख्ने गरि
कोलाहाल भयो दुनियामा
संग्राम भयो दुनियामा
दुनियामा बाकी केही रहेन
जो जे थियो त्यो रहेन
जो जे थिएन त्यहि भयो
तत्कालै बैठक बस्यो
भुमध्यरेखामा
केही घोषणाहरु भए
अब स्याटलाइट मिलाउनु
सबै देशका साँध सिमानाहरु भत्काउनु
जाति भाषा धर्म उच निचका सबै बन्देजहरु हटाउनु
सबै चर्च मस्जिद, मन्दिर ,गुम्बा, का सबै ढोका खुल्ला राख्नु
सबै ब्यक्तिलाई सबै ठाउमा जाने व्यवस्था मिलाउनु
सबै देश देशका द्धन्दहरु समाप्त गर्नु
सबै मन मनका द्धन्दहरु समाप्त गर्नु
सबै राता सेता पहेला हरिया निला पाससोर्ट सबै खारेज गर्नु

अगाडी फेरि सन्देश आयो
सबैलाई धर्तिका सबै ठाउ पुग्ने व्यवस्था मिलाउनु
हिड्नुपर्ने छैन अब कसैलाई
देशको जातको धर्मको रंगको धर्मको ट्याग बोकेर
गल्ली गल्ली
अब खुल्ला भएको छ पृथ्वीको ठुलो मैदान
कहिलेकाही सोच्छु
के यो अ¤ाहास समाप्त पार्न
यो छटपटी मेट्न
यस्तै घोषणा कुरेर बसेको हो समय