भरतपुर/चितवन जिम हाउस र उज्यालो टाईम्स मिडिया एण्ड एड्भरटाइजिङ्ग प्रा.लि.को संयुक्त आयोजनामा रक्तदान कार्यक्रम सम्पन्न भएको छ ।
चितवन फिजिकल फिटनेश (चितवन जिम हाउस)का प्रबन्ध निर्देशक प्रकाश गुरुङको अध्यक्षतामा सम्पन्न रक्तदान कार्यक्रममा प्रदेश सभा सदस्य, क्षेत्र नं.२ (ख), चितवनका माननीय उत्तम जोशी प्रमुख अतिथि रहनुभएको थियो ।
प्रमुख अतिथि जोशीले जिम हाउस र उज्यालो मिडियाले संयुक्त रुपमा रक्तदान कार्यक्रमको आयोजना गरी रक्तदाताहरुलाई पुण्य काम गर्ने अवसर प्रदान गरी रगतको अभावलाई कम गर्न महत्वपूर्ण भूमिका खेलेको बताउनुभयो ।
कार्यक्रमका संयोजक, उज्यालो टाईम्स मिडिया एण्ड एड्भरटाइजिङ्ग प्रा.लि.का प्रबन्ध निर्देशक एवम् चितवन जिमका प्रमुख सल्लाहकार राकेशमान श्रेष्ठले स्वागतसँगै कार्यक्रमको उद्देश्य माथि प्रकाश पार्नुभएको रक्तदान कार्यक्रमलाई प्रमुख अतिथिले कार्यक्रमका सभापतिलाई ब्लड ब्याग वितरण गरी कार्यक्रमको उद्घाटन गर्नुभएको थियो ।
रक्तदान कार्यक्रमको अवसरमा सहयोग गर्ने सहयोगी दाताहरुलाई सम्मान पत्रद्वारा सम्मान गरिएको थियो ।
कार्यक्रममा बागमती प्रदेश ट्राफिक प्रहरी कार्यालयका प्रहरी उपरीक्षक रवि पौडेल, रोटरी क्लव अफ नारायणी मिट टाउनका प्रथम उपाध्यक्ष भुपेन्द्र श्रेष्ठ, बागमती प्रदेश ट्राफिक प्रहरी कार्यालयका प्रहरी नायव उपरीक्षक रामकृष्ण सापकोटा, उज्यालो टाईम्स मिडिया एण्ड एडभरटाइजिङका अध्यक्ष राजु भट्ट, नेपाल रेडक्रस सोसाइटी प्रादेशिक रक्तसञ्चार केन्द्रकी प्राविधिक सिजन लामिछाने, समाजसेवी जोतेन्द्र खत्री, युनिक टोल सुधार विकास समितिका अध्यक्ष केदार सुवेदी, नमूना टोल सुधार विकास समितिका अध्यक्ष प्रभु रानाभाट, परिवेश टोल सुधार विकास समितिका अध्यक्ष लिलाधर पौडेल, उज्यालो मिडियाका निर्देशकहरु हरि बहादुर भुजेल, राजकुमार श्रेष्ठ, चितवन जिम हाउसका सल्लाहकारहरु, म्यानेजर, कर्मचारी लगायतको उपस्थिति रहेको थियो । चितवन जिम हाउसकी अनु गुरुङले सञ्चालन गर्नुभएको कार्यक्रमलाई चितवन फिजिकल फिटनेश (चितवन जिम हाउस)का प्रबन्ध निर्देशक प्रकाश गुरुङले धन्यवाद मन्तव्य सहित समापन गर्नुभएको थियो ।