गोरखा/गोरखको शहिदलखन गाँउपालिका बुङ्गकोटमा आत्माहत्या न्यूनिकरण सम्बन्धी अभिमुखीकरण कार्यक्रम सम्पन्न भएको छ । गाँउपालिकाको आयोजनामा वडा नंं ८ बुकोटमा रहेको रामेश्वरी माध्यमिक बिद्यालयका बिद्यार्थीहरु र स्थानीय आमासमूहलाई लक्षित गरी अभिमुखीकरण कार्यक्रम गरिएको हो । अहिले देशब्यापी रुपमा आत्महत्या गर्ने मानिसको संख्या बढ्न थाले पछि पालिकाले एकदिने अभिमुखीकरण कार्यक्रम सञ्चालन गरेको गाँउपालिकाका स्वास्थ्य प्रमुख बिरेन्द्र श्रेष्ठले जानकारी दिनुभयो । कार्यक्रममा स्थानीय आमा समूह, स्वयंमसेविका र टोल बिकास संस्थाका ४० जना ,रामेश्वरी मा। विको कक्षा ८,९ र १० मा अध्यनरत ६० जना बिद्यार्थीसहित १६ जना शिक्षक गरी ११६ जनाको सहभागीता रहेको थियो ।
अभिमुखीकरण कार्यक्रममा जिल्ला प्रहरी कायाृलय गोरखाका प्रहरी निरीक्षक हिमनाथ घिमिरे र सुरक्षित आप्रवासन मनोसामाजिक सुपरभाइजर लक्ष्मी तामाङले आत्माहत्या न्युनिकरण सम्बन्धी प्रस्तुतीकरण गर्नु भएको थियो । गोरखालगायत देश भर नै किशोरकिशोरी तथा महिलाहरुमा आत्महत्या गर्नेको संख्या बढ्न थालेपछि केही हद सम्म भए पनि रोकथाम गर्ने सकिन्छ भन्ने उदेश्यले अभिमुखीकरण प्रदान गरिएको प्रहरी निरिक्षक घिमिरेले बताउनुभयो । गाँउपालिकाकी उपाध्यक्ष इन्दिरा तिवारीको अध्यक्षताका भएको कार्यक्रममा वडा नं ८ का वडाध्यक्ष वासुदेब ढकाल लगायतको उपस्थिती रहेको थियो ।
