काठमाडौं । सुन्दरता बढाउनका लागि गुलाब जलको प्रयोग लामो समयसम्म गरिँदै आएको छ । धेरैजसो महिलाहरु आफ्नो छालाको स्याहार गर्न प्रयोग गर्दै आएका छन् । यसले छालामा हुने जलन कम गराउँछ । यसमा एन्टिअक्सिडेन्ट जस्ता गुण पाइन्छ । यसले छालालाई महत्त्वपूर्ण तत्वको काम गर्छ । यसले छालामा हुने सानासाना छिद्रहरुलाई कम गर्छ भने कपालको रुखोपन पनि कम गर्छ ।
यसमा हुने भिटामिन ए, बी३, सी र ई कपालको बिकास गर्न मद्दत गर्छ । यसले कपालको चाँयाको समस्याबाट पनि छुटकारा दिलाउँछ ।कपालमा स्याम्पु लगाएर धोएपछि रातभर गुलाबको पानी लगाएर रातभरका लागि छोड्ने र बिहान उठेर धुने गर्नुपर्छ । कपाल सुख्खा र उडेको छ भने बोतलमा हालेर समय समयमा स्प्रे पनि गर्न सकिन्छ ।साथै, छालालाई पनि सुख्खा हुन नदिन तपाईं यसको प्रयोग गर्न सकिन्छ ।
आफ्नो अनुहारमा कुनै पनि क्रिम लगाउनुअघि गुलाब जल छर्केर मेकअप गर्न सकिन्छ । साथै, नुहाउने पानीमा पनि गुलाब जल प्रयोग गर्न सकिन्छ ।यसैगरी, घामले छाला डढेको छ भने सुतीको कपडाको मद्दतले अनुहारमा लगाउने गर्नुपर्छ । जसले गर्दा तपाईंलाई जलनबाट छुटकारा मिल्छ । यसका साथै, कपालमा चाँया परेको छ भने श्याम्पुमा मिसाएर लगाउने गर्नुपर्छ । ग्लिसरीनसँग मिसाएर लगाउँदा कपालको सुख्खापन हराउँछ ।
यो पनि,रातभरी दूधमा भिजाएकाे कालो चना बिहान खाँदा स्वास्थ्यमा हुने यस्ता छन् ८ अदभूत फाइदा, चना भिजाएर खाँदा पचाउन सजिलो हुन्छ र पोषक तत्वको अवशोषण पनि राम्रो हुन्छ । हामीमध्ये धेरैले फिट रहनको लागि रातभर पानीमा भिजाएर बिहान खाली पेटमा चना खान्छौं, विशेष गरी कालो चना । यो फिटनेस प्रेमीहरूको लागि सबैभन्दा मनपर्ने बिहानको खाना हो । पानीमा भिजाएको चना खानुका फाइदाहरू त हामी सबैलाई थाहा छ तर के तपाईंले कहिल्यै दूधमा भिजाएर चना खानुभएको छ ? के तपाईलाई थाहा छ कालो चनालाई रातभर दूधमा भिजाएर बिहान खाली पेटमा खाँदा यसले अत्याधिक स्वास्थ्य लाभ गर्छ ? आउनुहोस्, यसबारे जानकारी लिऔँ:
बिहान दूधमा भिजाएको चना खानुका फाइदाबारे थप जान्नका लागि एक भारतीय सञ्चार माध्यमले क्लिनिकल न्यूट्रिशनिस्ट तथा डाइटिशियन गरिमा गोयलसँग कुरा गरेको छ । उनका अनुसार दुध र कालो चना दुवै प्रोटिन र क्याल्सियमको उत्कृष्ट स्रोत हुन् । साथै, यो संयोजनमा फाइबर, पोटासियम, आइरन, म्याग्नेसियम र भिटामिन बी, सी, डी जस्ता आवश्यक खनिजहरूमा प्रशस्त छ । जसका कारण यो स्वास्थ्यका लागि निकै फाइदाजनक साबित हुन सक्छ ।
