चितवन/रोटरी क्लब अफ नारायणी मिड टाउन, रोेटर्याक्ट क्लब अफ नारायणी मिड टाउन र महिला उद्यमी सङ्घ चितवनको आयोजनामा भएको ५ दिने निःशुल्क फूल सजावट सम्बन्धि तालिम सम्पन्न भएको छ । भरतपुर महानगरपालिका वडा नम्बर २ मा रहेको राधे राधे फ्लावर जक्सनमा १३ गते देखि सुरु भएको तालिम बिहिवार एक कार्यक्रमका बिच सम्पन्न भएको हो ।
५ दिने सांस्कृतिक फुल सजावट प्रशिक्षण समापन कार्यक्रम रोटरी क्लब अफ नारायणी मिड टाउनकी अध्यक्ष स्वेता उपाध्यायको अध्यक्षतामा सम्पन्न भयो। कार्यक्रममा एसिस्टेन्ट गर्भनर जोन ३३ ,आर आई डिस्ट्रीक्ट ३२९२ नेपाल–भुटानका सुरेश सेन ठकुरी प्रमुख अतिथि रहनुभएको थियो। प्रमुख अतिथि ठकुरीले यस तालिमले पाँचजना महिला दिदीबहिनीहरू लाई स्वावलम्बी बनाउन महत्वपुर्ण भुमिका खेल्ने भएकाले स्वरोजगार बन्नाका साथै दैनिकी र जनजीवन समेत परिवर्तन हुने बिश्वास ब्यक्त गर्नुभयो ।
तालिम लिगेका दिदिबहिनिहरुलाई राधे राधे फ्लावर जक्सनले रोजगारीको अवसर समेत प्रदान गर्ने र महिला तथा युवतिहरुलाई आर्थिक रुपमा सवल बनाउन फूल सजावट सम्बन्धि तालिम सञ्चालन गरेको रोटरी क्लब अफ नारायणी मिड टाउनकी अध्यक्ष स्वेता उपाध्यायले जानकारी दिनुभयो । राधे राधे फ्लावर जक्सनका प्रोपाईटर राजेस क्षेष्ठले दिदीबहिनीहरूलाई सिप सिकाएर रोजगार दिन पाउँदा खुसी लागेको भएको छ । कार्यक्रममा रोटर्याक्ट क्लब अफ नारायणी मिड टाउनका अध्यक्ष हरि बिक, नेपाल महिला उद्यमी संघ चितवनकी संस्थापक अध्यक्ष राधिका घिमिरे , रोटरी क्लब अफ नारायणी मिड टाउनका पूर्व अध्यक्ष लगायतको उपस्थिति रहेको थियो ।
