चितवन/चितवनको गीतानगर बजारमा रहेको एक बुटिक  पसलमा आगलागी भएको छ । भरतपुर(६ गीतानगर बजारमा रहेको कमला शर्मा ढुगानाको एन्जी बुटिक एण्ड कलेक्सनमा बुधबार विहान आगलागी भएको हो ।आगलागीबाट लाखौँ मूल्यको सामान जलेर नष्ट भएको पीडितले बताएका छन् । आगलागी भएको पसल इलाका प्रहरी कार्यलय, गीतानगरको छेउमा पर्छ । नेपाल प्रहरी, स्थानीय र भरतपु महानगरको दमकलको सहयोगमा आगलागी नियन्त्रणमा लिइएको थियो ।

आगलागीको एकीन कारण भने खुल्न नसके पनि विजुलीको तार सट भएर आगलागी भएको हुनसक्ने अनुमान गरिएको छ । पसलका सबै सामान काम नलाग्ने गरि नष्ट भएको गीतानगर ब्यवस्थापन समितिका अध्यक्ष शालिकराम दवाडीले जानकारी दिनुभयो ।
विहान ६ बजे तिर आगो स्थानीयले लागे लागेको देखेपछि अन्य पसलमा आगो फैलन नपाएको हो ।