भरतपुर/होटल तथा रेष्टुरेन्ट व्यवसायी संघ चितवनले जिल्लामा संचालित होटलका घरधनीहरुलाई लकडाउन अवधिको घरभाडाको लागि ताकेता नगर्न आग्रह गरेको छ । संघले शुक्रबार एक विज्ञप्ति प्रकाशित गरि यस्तो विसम परिस्थितीमा होटल तथा रेष्टुरेन्ट व्यवसायीहरु घरभाडा तिर्नसक्ने अवस्थामा नरहेको वताउँदै घरभाडाको लागि ताकेता नगर्न आग्रह गरेको हो ।

विश्वव्यापी फैलिएको कोरोना भाइरसको संक्रमण कम गर्न सरकारले घोषणा गरेको लकडाउनको समयमा चितवनका सम्पुर्ण होटल तथा रेष्टुरेन्टहरु पुर्ण रुपमा वन्द गरेको जानकारी गराउँदै होटल तथा रेष्टुरेन्ट व्यवसायी संघ चितवनका अध्यक्ष दिपक ढकालद्धारा जारी विज्ञप्तिमा व्यवसायीहरुलाई पनि लकडाउन अवधिको भाडा नवुझाउन अपिल गरिएको छ ।
लकडाउन अवधिको घरभाडाको विषयमा अवस्था सामान्य भएपछि संवन्धित घरधनिहरु र व्यवसायीक संघ संगठनहरु विच छलफल गरि आवश्यक र उपयुक्त निष्कर्षमा पुग्न सकिने विज्ञप्तिमा जनाईएको छ ।