चितवन/उपप्रधान तथा गृहमन्त्रीमा नियुक्त भएपछि रवि लामिछाने पहिलो पटक आज चितवन आउनुभएको छ ।  चितवन २ बाट भारी मत ल्याएर निर्वाचित भएका लामिछाने जिल्लाका विभिन्न कार्यक्रममा सहभागी हुन चितवन आउनुभएको हो । यसअघि प्रधानमन्त्रीले विश्वासको मत लिएपछि चितवन आउने उहाँले बताउनुभएको थियो । उहाँले विमानस्थलमा भिआइपी कक्ष प्रयोग नगरी सर्वसाधारण निस्कने बाटो प्रयोग गर्नुभएको थियो । उहाँले पत्रकार सम्मेलन पनि विमानस्थल अगाडिको परिसरमा गर्नुभएको छ । लगत्तै उनि आफूले निर्देशन दिएको सडकको अवस्था हेर्न भरतपुर ४ स्थित धर्मचोक पुग्नुभएको छ ।  उहाँ आज चितवनमा आधा दर्जन कार्यकक्रममा सहभागी हुने ।