लमजुङ/लमजुङ उद्योग वाणिज्य संघले वार्षिक साधारण सभा स्थापना दिवसको अवसरमा प्रदान गर्दै आएको स्व.नन्दमान स्मृति पुरस्कारबाट महिला उद्यमी बुद्धिमाया तामाङ सम्मानित हुनुभएको छ । संघको ३६ औँ वार्षिक साधारण सभा तथा ४७ औँ स्थापना दिवससको अवसरमा बेसीशहर नगरपालिका वडा नं. ८ निवासी तामाङ लाई सो पुरस्कार प्रदान गरिएको हो ।
तामाङलाई प्रदेश सभा सदस्य डा.टकराज गुरुङ, लमजुङ उद्योग वाणिज्य संघका अध्यक्ष गुणराज सिलवाल, स्व.नन्दमानको श्रीमती पार्वती श्रेष्ठले संयुक्त रुपमा सो पुरस्कार हस्तान्तरण गर्नुभएको हो । उहाँलाई पुस्कार स्वरुप सम्मान पत्र, खदा र नगद ५ हजार रुपैयाँ प्रदान गरिएको छ ।
संघका पूर्व कार्यसमिति सदस्य स्वर्गीय नन्दमान श्रेष्ठको स्मृतिमा उहाँका धर्मपत्नी पार्वती श्रेष्ठले उक्त पुरस्कार स्थापना गर्नुभएको हो । यस अघि सो पुरस्कारबाट महिला पत्रकार सम्मानित हुनु भएको थियो ।
