गैँडाकोट/नवलपरासी ९बर्दघाट सुस्तापूर्व गैंडाकोटमा स्कुल बसको ठक्करबाट ३ वर्षिय बालिकाको मृत्यु भएको छ । गैँडाकोट १२ मटकुरीमा सुर्योदय विद्या मन्दिरको ग १ क २७५७ नम्बरको बसले ठक्कर दिदाँ ३ वर्षिय बालिकाको घटनास्थलमा नै मृत्यु भएको हो । बसको ठक्करबाट गैंडाकोट १२ मटकुरी बस्ने राजु चुनी मगरकी ३ वर्षिया छोरी सायरा चुनी मगरको मृत्यु भएको जिल्ला प्रहरी कार्यालय नवलपुरका प्रहरी नायब उपरीक्षक सन्तोष पाठकले जानकारी दिनुभयो । स्कुलबाट विद्यार्थी छाड्न गएर फर्किएको बसले मंगलबार दिउँसो १ः३० बजेको समयमा आफ्नै घर अगाडी बाटोमा खेलीरहेको अवस्थामा ठक्कर दिएको प्रहरीले जनाएको छ । ठक्कर दिने बस, चालक र सहचालक प्रहरीको नियन्त्रणमा रहेका छन् । बस प्रहरी चौकी बेल्डिहामा राखिएको छ । घटनाको विषयमा थप अनुसन्धान भइरहेको प्रहरीले जनाएको छ ।