गण्डकी/गोरखाको गण्डकी गाउँपालिकाको ११ औँ गाउँसभा तथा हिउँदे अधिवेशन सम्पन्न भएको छ । गाउँपालिका अध्यक्ष दीपक तिमिल्सिना साकारको अध्यक्षता तथा गण्डकी प्रदेशसभा सदस्य कृष्ण धिताल र सुशिला सिंखडाको  विशेष आतिथ्यतामा ११ औँ गाउँसभा तथा हिउँदे अधिवेशन सम्पन्न भएको हो ।

गाउँपालिका अध्यक्ष तिमिल्सिनाले बजेट विनियोजन संसोधन तथा रकमान्तर सम्बन्धी प्रस्ताव ,बजेट तथा अनुमोदन सम्बन्धी प्रस्ताव र गाउँपालिकाको प्रशासनिक केन्द्र तथा जग्गा व्यवस्थापन सम्बन्धी प्रस्ताव, लेखा समिति संयोजक याम बहादुर थापाले लेखा समितिको प्रतिवेदन सम्बन्धी प्रस्ताव , उपाध्यक्ष ललिता अधिकारीले राजश्व परामर्श समितिको प्रतिवदन सम्बन्धी प्रस्ताव, पेश गर्नुभएकोे थियो । उक्त प्रस्तावहरु माथि छलफल गर्दै विभिन्न निर्णयहरु गर्दै ११ औँ गाउँसभा तथा हिउँदे अधिवेशन सम्पन्न भएको गाउँपालिकाले जनाएको छ ।