अमेरिकाको मेरिल्याण्ड राज्यको बाल्टीमोर शहरमा नेपालीद्वारा संचालित लोकप्रिय फाईभस्टार मोबाईल (भ्रमणध्वनि)पसल दिन दहाडै लुट्ने प्रयास असफल भएको छ । पसल संचालकले दिएको जानकारी अनुसार यो समेत दोश्रो पटक लुट्ने प्रयास भएको ईनेप्लिजलाई बताए ।
फाईभस्टार मोबाईल (घुम्ती)पसल अमेरिका भरि नेपाली समुदाय बीच निकै चर्चामा छ । उक्त पसलमा सस्तो र विभिन्न प्रकारका नयाँ नयाँ ढाचाका संचार थान (मोबाइल )समेत उपलब्ध हुने हुनाले डिसी महानगर क्षेत्रका नेपाली समुदायको निकै घुइचो लाग्ने गर्छ । उक्त पसलमा नेपाल जाने नेपाली समुदायहरुले सुपथ मुल्य र सस्तो भएको कारण पसलमा निकै खरिद गर्ने समेत गर्छन ।
पसलका संचालक लेखक ,कबि ,एनआएनए एसिया प्यासिफिका उप क्षेत्रीय संयोजक र धेरै बर्ष चीनमा व्यवसाय संचालन गर्ने नविन बिक हुन् । संचालक बिकका अनुसार घटना आज जनवरी ३ मंगलबारका दिउसो ४ :५० मिनेटमा लुट्ने प्रयास गरिएको थियो । आज लुट्न ४ जना किशोरी/ युवती/आएको र उनीहरुले पसल संचालककी पत्नी उक्त समयमा रहेकोले उनलाई स्प्रे(फोहरा)हानी घाइते बनाएका छन् ।
संचालकले दिएको जानकारी अनुसार ३ जना पसल भित्र र १ जना पसल बाहिर रहेका थिए । उनीहरुले महँगो मोबाइल(भ्रमणध्वनि)देखाउन आग्रह गर्दा साहुनीले परिचय पत्र माग्न र मुनि यसो हेर्ने क्रममा फोहोरा हानेका तर एक जना साथी सौचालय मै भएकोले बाहिर निस्कदा उनीहरुले कुनै चिज लुट्न नपाई भागेका थिए । उक्त समयमा संचालक बिक बाहिर एकछिन् गएको समयमा उक्त घटना घटेको थियो ।
घटना पछि प्रहरीहरु पानि आएको र घाइते भएकी पसल संचालक बिककि पत्नीलाई अस्पताल पनि लागिएको थियो र उनको स्वास्थ्य अहिले ठिक रहेको बिकले ईनेप्लिजलाई बताए । दुई वटा अङ्किय दृश्य (भिडियो )मा कसरी आए र कसरी फोहरा हानेको देखिन्छ ।
किशोरी लुटेराहरु २-३ दिन देखि प्राय पसलको भ्रमण गर्ने गरेकोले बिकले बताए र शंका पनि गरेको बताए । उनले आफ्नी पत्नीलाई २-३ जना ठिटीहरु आई रहेका छन् र उनीहरुले सबै भन्दा महँगो मोबाइल (घुम्ती यन्त्र)माग्ने गरेको समेत बताएका थिए । त्यसैले उनले यसरी युवतीहरु आएमा सावधान र सतर्कता हुन् भनेको र महँगो मागेमा परिचय पत्र(आईडि)समेत माग्न पत्नीलाई भनेका थिए ।
