काठमाडौं /सरोज खनाल र नीता ढुंगानाको मुख्य भूमिका रहेको चलचित्र ‘पंचायत ’ युट्युब ट्रेन्डिङको शिर्ष स्थानमा रहेको छ ।५ दिन अगाडि सार्वजनिक यस चलचित्रले यो समाचार तयार पर्दासम्म ९ लाख ३० हजार भिउज पाउँदै युट्युबको ट्रेन्डिङ पहिलो स्थानमा रहेको छ । २० हजार बढी लाइक पाएको चलचित्रलाई थुप्रै सकारात्मक प्रतिक्रिया समेत दिएका छन् ।
Advertisement
पंचायतमा सरोज खनाल र नीता ढुंगाना सगै रुपा राना, जाहान्वी बस्नेत, गीता अधिकारी, गणेश गिरी, विशाल पहारी,किरण थापा, राजुबाबु श्रेष्ठ ,रवि अधिकारी,सुचित्रा उप्रेती,अश्विनी कोइराला ,प्रकृति ढुंगेल लगायतको अभिनय छ ।
चलचित्रमा संचारकर्मी रबि अधिकारी कार्यकारी निर्माताको रुपमा रहेका छन्। गणेश गिरीको प्रस्तुति रहेको पंचायतको निर्माता शुशान्त श्रेष्ठ र शंकर सुवेदी हुन् ।चलचित्र पंचायतलाई शिवम अधिकारीले लेखन तथा निर्देशक गरेका हुन् ।चलचित्रमा टंक बुढाथोकि संगीत ,रामेश्वर कार्कीको छायांकन तथा बिपिन मल्ल सम्पादन रहेको छ ।
चलचित्र ’पंचायत’ विश्वकै सर्वाधिक प्रतिष्ठित ओस्कार अवार्डका लागि नेपाल छनौट समेत भएको थियो। अमेरिकाको क्यालिफोर्निया राज्यको सन् फ्रान्सिस्को शहरमा आयोजित “सन फ्रान्सिस्को चलचित्र महोत्सव ” मा चलचित्र ‘पंचायत’ले “ बिदेशी भाषाको उत्कृष्ट चलचित्र ” विधामा र नायिका निता ढुंगानाले “उत्कृष्ट मुख्य अभिनेत्री ” विधामा पुरस्कार जित्न सफल भएको थियो ।चलचित्रले विकास बोर्ड बिशेष चलचित्रको पुरस्कृत बापत २ लाख रुपिया समेत पाएको थियो।
चलचित्रले मुख्यगरी २०३१ सालको एउटा गाउँमा भएको न्याय प्रणाली, समाजिक व्यवस्था, छाउपडी प्रथालाई सुन्दर ढंगले प्रस्तुत गरेको छ । चलचित्रले छुवाछुत विरुद्ध पनि ससक्त उठान गरेको छ । त्यो बेलाको व्यवस्था भएपनि अहिलेको अबस्थाको चित्रण समेत रहेकाले गरिएको छ ।
