नवलपुर/नवलपुरको मुकुन्दपुरमा रहेको टाईम फर्मासिटिकल्सले २४ वर्ष पूरा गरी २५ वर्षमा प्रवेश गरेको छ । आठ प्रकारका औषधि उत्पादनबाट शुरु भएको उद्योगले हाल २५० प्रकारका औषधि उत्पादन गर्दै आएको हो । बि.सं. २०५५ मंसिरमा नवलपरासीको तत्कालिन मुकुन्दपुर गाउँ विकास समिति र हालको गैंडाकोट नगरपालिका वडा नं. १० मुकुन्दपुरमा उद्योग स्थापना गरी सञ्चालनमा ल्याईएको हो । शुरुमा १६ कठ्ठा जमिनमा उद्योग स्थापना गरिएको थियो । २५ वर्षको अवधिमा उद्योगको क्षेत्रफल विस्तारा हुँदै दुई विगाहा पुगेको छ । रु.१ करोड १० लाखको लागतमा शुरु भएको यो उद्योगमा अहिले रु.५० करोडभन्दा बढीको लगानी भईसकेको छ ।