स्थानीयहरुको श्रमदान सहित हाल मन्दिर निर्माण कार्य सम्पन्न भएको तर मन्दिर वरिपरि कम्पाउण्ट अर्थात घेराबार गर्ने कार्य भने बाँकी रहेको उनले बताए । अध्यक्ष भट्टका अनुसार हाल सम्म मन्दिरमा कलात्मक झ्याल ढोका, ढुडाल, पेटी निर्माण मुर्ति निर्माण र मन्दिरको पितलको छाना हाल्ने काम सकिएको छ ।मन्दिर निर्माणका लागि भक्तपुरबाट कालीगढ ल्याएका थिए । त्यस्तै, मन्दिरमा प्रयोग गरिएको इट्टा, काठ पनि सबै भक्तपुरबाट नै ल्याएको थियो । मन्दिर भित्र शिव, पार्वती, गणेशको मुक्ति राखिएको छ भने शिवलिङ्ग पनि निर्माण गरिएको छ । हाल ढुङ्गा काटेर पेटी लगाउने काम भइरहेको छ ।

 

हाल मन्दिर सार्वजनिक स्थलमा निर्माण गरिएको छ भने मन्दिर वरिपरि कम्पाण्ड गर्नका लागि स्थानीयहरु पाँच जनाले दुइ रोपनी जग्गा दान गरेको उनले बताए । मन्दिरको कुना पट्टिको वडा कार्यालय जाने बाटोमा रिटनिङ वाल निर्माण गर्नुपर्ने र मन्दिरको पछाडि भूगागमा भरालो भएको र पहिरो जानसक्ने डर भएकाले वाल तथा तारबार लगायतका लागि स्थानीय र प्रदेशसरकारसँग माग गरिरहेको पनि उनले बताए ।

२०५२ माघ १० गते स्थानीय भक्तजन र रोजगारीको सिलसिलमा भारत पुगेका नेपालीहरुको आर्थिक सहयोगमा सो मन्दिर निर्माण भएको थियो । सालमा ढुङ्गामाटोले निर्माण गरिएको मन्दिर ०७२ सालको भुकम्पले क्षति पु¥याएको थियो ।

भूकम्पले मन्दिरलाइ क्षति पु¥याएसँगै पुन भत्काएर जग देखि निर्माण सुरु गरेको मन्दिर निर्माण समितिका अध्यक्ष भट्टले बताए । उनका अनुसार २०७७ सालबाट निर्माण सुरु गरेको थियो । तर कोभिड लकडाउन लगायतका कारणले कामदार नपाएकाले मन्दिर पुननिर्माण कार्यमा केही ढिलाई भएको उनले बताए । यो मन्दिरमा शिवरात्रीका दिन ठूलो मेला लाग्ने गर्दछन् । त्यस्तै, तीजको दिन विशेष मेला लाग्नुका साथै मन्दिरमा बर्षेनिक शिव पुरान लगायतका विभिन्न धार्मिक गतिविधि हुदै आएका छन