गैँडाकोट/गैँडाकोट ८ स्थित विजय आधारभूत विद्यालयका विद्यार्थीहरुलाई बिहीवार न्यानो कपडा वितरण गरिएको छ । लायन्स क्लब अफ गैँडाकोट मौलाकालिका क्लबका संस्थापक कोषाध्यक्ष हरिहर पौडेलको तेस्रो वार्षिक पुण्य स्मृतिमा स्वीटर वितरण गरिएको हो । विद्यालयमा आयोजित कार्यक्रममा ७७ जना विद्यार्थीलाई स्वीटर वितरण गरिएको लायन्स क्लब अफ गैँडाकोट मौलाकालिकाका कार्यक्रम संयोजक जनक पौडेलले जानकारी दिनुभयो ।
क्लबका अध्यक्ष ध्रुव न्यूरेको अध्यक्षतामा भएको कार्यक्रममा प्रमुख अतिथि लायन्स क्लब ईन्टरनेशनल ३२५ आर नेपालका डिस्ट्रिक गर्भनर सिदार्थलाल चुकेले प्रदान गरिएको न्यानो कपडाले विद्यार्थीलाई विद्यालयमा अध्ययनमा सहज हुने विश्वास व्यक्त गर्नुभयो । विद्यालय व्यवस्थापन समितिका अध्यक्ष तिलकप्रसाद पराजुलीले सहयोगी संस्थलाई आभार व्यक्त गर्नुभयो । कार्यक्रममा लायन्स क्लब ईन्टरनेशनल ३२५ आर नेपालका डिस्ट्रिक भाइस गर्भनर दिननाथ न्यौपाने, डिस्ट्रिक सेक्रेटरी राजेन्द्र गौतम, गैँडाकोट ८ का वडा अध्यक्ष प्रेम सापकोटा, लायन्सकर्मीहरु गोपाल गौतम, दीपक राउत, मेघराज कंडेल, चिन्तामणी कंडेल ९सिआर०, शालिकराम सापकोटा, हरि ढकाल, कृष्ण पाण्डे, उषा ज्ञवाली, रमा कंडेल लगायतको उपस्थिती रहेको थियो । लायन्स क्लब अफ गैँडाकोट मौलाकालिकाका सचिव शंकर आचार्यले कार्यक्रमको सहजिकरण गर्नुभएको थियो ।
