गैँडाकोट/व्यापार व्यवसायिक प्रयोजनका लागि ठुलो आवाजमा माइकिङ्ग नगर्न गैँडाकोट नगरपालिकाले आग्रह गरेको छ । आइतवार एक सुचना जारी गर्दै गैँडाकोट क्षेत्र भित्रका स्थानीय बजार तथा टोलटोलमा व्यापार व्यवसायको नाममा गाडी, रिक्सा, अटो, ठेला लगायतका साधनमा उच्च आवाजनमा स्पिकर जडान गरि माइकिङ्ग नगर्न व्यापारीहरुलाई आग्रह गरेको हो । ठुलो आवाजमा माइकिङ्ग गर्दा यसले ध्वनी प्रदुषणका साथै स्वास्थ्यमा समेत स्वास्थ्यमा नकरात्मक असर पर्ने भएकाले यसलाई बन्द गर्न आग्रह गरिएको गैँडाकोट नगरपालिकाका प्रमुख प्रशासकीय अधिकृत मुक्तिराम रिजालले जानकारी दिनुभयो । ध्वनी प्रदुषणका कारण बृद्ध तथा बालबालीका साथै मुटु रोग लगायतका समस्या भएका व्यक्तिलाई बढी समस्या निमत्याएको गुनासो नगरपालिमा आएको रिजालले बताउनुभयो । अटेर गरि टोल बजारमा कसैले ठुलो आवाजमा बिज्ञापन वा माइकिङ्ग गर्दै हिडेमा सामाग्री जफत गरि प्रचलित कानुन बमोजिम कारवाही गरिने समेत जनाइएको छ ।