खैरहनी/चीनको युआन प्रान्तबाट शुरु भएको कोरोना भाइरस (कोभिड–१९) ले यतिबेला विश्वलाई नै त्रसित बनाएको छ । जसका कारण विश्वकै अर्थतन्त्रले ठूलो क्षति व्यहोर्नु परेको अवस्था छ ।
नोभेल कोरोना भाइरस संक्रमण रोकथाम तथा नियन्त्रण पूर्व तयारी गर्नका लागि विभिन्न क्षेत्रबाट विभिन्न खाले सहयोगहरु समेत भईरहेका छन् ।

त्यसै अनुरुप खैरहनी नगरपालिका ९ डाँडागाउँ स्थित रहेको चारगाउँ खानेपानी उपभोक्ता संस्थाले आफ्ना उपभोक्ताहरुको ध्यानलाई मध्यनजर गर्दै कोरोना भाईरसको संकरमणवाट आफू पनि बच्न बच्न र अरुलाई पनि बचाउनका निम्ति पटक–पटक साबुन पानिले हात धुने वातावरण सिर्जना गर्ने खालका सूचना प्रवाह गर्दै आएको छ । साथै उपभोक्त समूहको निर्णय अनुसार प्रकोपका वेला उपभोक्ताहरुमा केही राहत मिलोस् भन्ने हेतुका साथ २०७६ चैत्र महिनामा लाग्ने न्युनतम शुल्क रु११० को ५० प्रतिशत र अन्य उपभोक्ताहरुमा रु५५ रुपैयाँ छुट गर्ने तथा चैत्र महनिाको शुल्कको विलम्ब दस्तुर समेत नलिने घोषणा समेत गरेको छ ।

खैरहनी नगरपालिका वडा नं. ३, ८, ९ र राप्ती नगरपालिका वडा नं. ८ का करीब ८ सय ५० जना उपभोक्ताले उक्त सेवा लिन सक्ने चारगाउँ खानेपानी उपभोक्ता संस्थाका अध्यक्ष नारायण भण्डारीले जानकारी दिनुभयो ।