भरतपुर/चीनको युआन प्रान्तबाट शुरु भएको कोरोना भाइरस (कोभिड–१९) ले यतिबेला विश्वलाई नै त्रसित बनाएको छ । जसका कारण विश्वकै अर्थतन्त्रले ठूलो क्षति व्यहोर्नु परेको अवस्था छ ।

नोभेल कोरोना भाइरस संक्रमण रोकथाम तथा नियन्त्रण पूर्व तयारी गर्नका लागि विभिन्न क्षेत्रबाट विभिन्न खाले सहयोगहरु आईरहेका छन् ।
त्यसै अनुरुप नेपाल चार्टर्ड एकाउण्टेन्टस् संघ (चितवन च्याप्टर) द्वारा भरतपुर कोरोना विशेष (अस्थाई) अस्पताललाई कोभिड–१९ संक्रमित व्यक्तिहरुसँग सम्पर्क गर्दा आवश्यक पर्ने १० थान सुरक्षा पोषक (पिपिई) हस्तान्तरण गरिएको हो ।

नेपाल चार्टर्ड एकाउण्टेन्टस् संघ (चितवन च्याप्टर)का संयोजक निशान पौडेल लगायतको टिमले भरतपुर कोरोना विशेष (अस्थाई) अस्पतालका प्रवक्ता एवं सदस्य सचिव डा.भोजराज अधिकारीलाई संयुक्त रुपमा १० थान सुरक्षा पोषक (पिपिई) हस्तान्तरण गरिएको थियो ।

विश्व अर्थतन्त्रलाई नै प्रभाव पारेको कोरोना भाइरस (कोभिड–१९) को प्रकोपको बेला नेपाल चार्टर्ड एकाउण्टेन्टस् संघ (चितवन च्याप्टर)ले सहयोग गरेको भन्दै भरतपुर कोरोना विशेष (अस्थाई) अस्पतालका लेखापाल फणिन्द्र प्रसाद खनालले विज्ञप्ति मार्फत धन्यवाद समेत दिनुभएको थियो । सहयोग हस्तान्तरण कार्यक्रममा नेपाल चार्टर्ड एकाउण्टेन्टस् संघ (चितवन च्याप्टर)का सदस्यहरु, कोरोना विशेष अस्पतालसँग सम्बन्धित व्यक्तिहरुको सहभागिता रहेको थियो ।