लायन्स क्लब अफ बाल्टिमोर नेपालिज लगायतले बिद्यार्थीहरुलाई कम्प्युटर सम्बन्धि शीपमुलक तालिम प्रदान गर्न सकियोस भन्दै २५ लाख नेपाली रुपैया बराबरको लगानी गरेको छ । गोर्खामै बसेर बिश्वका विभिन्न देशहरुमा प्रतिश्प्रद्धामा उत्रिन सकुन र रोजगार प्राप्त गर्न सकुन भन्दै सिद्ध काली माध्यमिक बिद्यालयका बिधार्थीहरुलाई डिजिटल ब्रिज फर नेपाल डेविड मार्टिन ,लायन्स क्लब अफ बाल्टिमोर नेपालिज तथा बाल्टिमोरका प्राइम नामक बिशाल बजारका संचालक गणेश लामिछानेले नेपाल पुगेको समयमा सामग्रीहरु हस्तान्तरण गरेका छन् ।
उक्त बिद्यालयमा कूल २५ लाखको लगानी र सहयोगमा कम्प्युटर लर्निङ्ग इनभाइरोमेन्ट सेन्टर निर्माण गरिएको छ । उक्त बिद्यालयमै लामिछानेले अध्ययन गरेका हुन् । उनले सहयोग गर्ने सबै प्रति धन्यबाद दिएका छन् ।
उनले आफ्नो सामाजिक संजालमा यस केन्द्रमा अमेरिकाबाट बिशेषज्ञहरुले तालिम दिन मिल्ने र स्थानीय समुदायले पनी कम्प्यूटरको माध्यमभाट कामकाज र अध्ययन गर्न मिल्ने छ। स्थानीयहरुलाई आफ्नो समय अनुकुल संलग्नता गराउने र दक्ष बन्न सकुन भन्ने यो अभियानको एक उद्धेश्य पनि रहेको छ ।
लामिछानेका अनुसार लायन्स क्लब अफ बाल्टिमोर नेपालिजले करिव ३ लाख ,गणेश लामिछानेले करिव १२ लाख र डेविड मार्टिन डिजिटल ब्रिज फर नेपाल लगायतकि कुल २५ लाख लगानी भएको छ । गोर्खाको चौतारीमा बसेर कम्पुटरको माध्यमबाट संसारभरि रोजगारी गराउन सकिने अभियानमा लामिछाने लागेका छन् । गणेश लामिछानेको सहयोगमा गोरखामै पहिलो पटक ‘कम्प्युटर लर्निङ इन्भारमेन्ट सेन्टर’ स्थापना भएको छ । लामिछाने लायन्स क्लब अफ बाल्टिमोर नेपलिजका अध्यक्ष पनि हुन ।
