काठमाडौं/नेकपा एमालेले चुनावी घोषणा पत्र सार्वजनिक गरेको छ । सार्वजनिक घोषणापत्रमा नेकपा एमालेले ‘समृद्ध नेपाल सुखी नेपाली’को राष्ट्रिय संकल्पलाई निरन्तरता दिइएको छ । करिब २० हजार शब्द रहेको घोषणा पत्रमा मुलुकको समृद्धिका लागि राष्ट्रिय अर्थतन्त्रको निर्माणमा जोड दिइएको छ ।घोषणापत्रमा एमालेले अबको पाँच वर्ष गर्ने कामबारे ग्यारेन्टी दिएको छ । जसमा सडक मान्छे नहुने, सबै नेपालीको घर हुने देखि पाँच वर्षमा २५ लाखलाई रोजगारी दिनेसम्म उल्लेख छ ।

एमालेले आफ्नो घोषणापत्रमा २० वटा विषयमा ग्यारेन्टी गरेको छ । जसमा नेपालीलाई मात्र नागरिकता दिनेदेखि नेपालको अर्थतन्त्र १ सय खर्ब रुपैयाँ पुर्याउने लक्ष्य राखेको छ । त्यस्तै १० हजार लिटर पानी निशुल्क बाँड्नेदेखि ५० युनिट बिजुली निशुल्क बाँड्ने कुरा पनि एमालेले घोषणापत्रमा उल्लेख गरेको छ ।