देवघाट/देवघाट गाउँपालिका वडा नम्बर ५ कालीमाटी निवासी भक्त बहादुर गुरुङले देवघाट बृद्धाश्रममा रहेका बुद्धाहरुलाई खाद्यान्न सहयोग गरेका छन । मंगलबार एक कार्यक्रम गरि कार्यक्रमका प्रमुख अतिथि देवघाट गाउँपालिकाका अध्यक्ष तिल बहादुर थापाले सामग्री हस्तान्तरण गरिएको थियो। सोही अवसरमा प्रमुख अतिथि अध्यक्ष थापाले दानीलाई कहिले हानी नहुने बताउदै बुद्धा बुबाआमाको आशीर्वाद लाग्ने बताए।साथै सहयोगी भक्त बहादुर गुरुङलाई सामाजिक क्षेत्रमा यसैगरी अगाडी बढ्न आग्रह गर्दै धन्यवाद समेत दिए।

गुरूङ वैदेशिक रोजगारीको सिलसिलामा आइसल्याण्डमा रहदै आउनु भएको छ भने हाल स्वदेश छुट्टिमा घरमा आएको समयमा देवघाट बुद्धाश्रममा रहनुभएका बुद्धाहरुलाई थोरै भए पनि सहयोग गरी सेवा नै धर्म हो भन्ने मुल भाव सहित बृद्धाश्रमलाई खाद्यान्न सामग्री सहयोग गरेको बताए।