भरतपुर/क्याची टुर्स एण्ड ट्राभल्स प्रा.लि.ले आफना ग्राहकहरुलाई टुर्स एण्ड ट्राभल्सको मात्र सेवा प्रदान नगरी सामाजिक उत्तरदायित्वका कार्यमा अग्रणी भूमिका खेल्दै आएको छ ।
क्याची टुर्स एण्ड ट्राभल्स प्रा.लि.का अध्यक्ष राहुल कुमार सिंहले आज एक कार्यक्रमका बीच चितवन भेट्रान्स फुटवल क्लवलाई ३५ जोडी ट्रयाकसुट र दुईवटा फुटवल सहयोग गर्नुभएको छ । टुर्स एण्ड ट्राभल्स का अध्यक्ष सिंहले चितवन भेट्रान्स फुटवल क्लवका अध्यक्ष रविन्द्र कुमार श्रेष्ठ सहित उहाँको टिमलाई उक्त ट्रयाकसुट र फुटवल हस्तान्तरण गर्नुभएको हो । 
सिंहले आफूले सामाजिक उत्तरदायित्व अन्तर्गत फुटवल क्लवलाई आफ्नो तर्फबाट सहयोग गर्न पाउँदा निकै खुशी भएको र आगामि दिनमा समेत समाजका हरेक गतिविधिहरुमा क्याची टुर्स एण्ड ट्राभल्स प्रा.लि.को साथ र सहयोग रहने समेत बताउनुभयो । क्याची टुर्स एण्ड ट्राभल्स प्रा.लि.ले ग्राहकहरुको माग अनुसार देशका विभिन्न शहरहरुमा आफ्ना शाखाहरुको बिस्तारसँगै सेवा शुभारम्भ गरिरहेको छ ।
