भरतपुर/बोटल तथा जारमा बिक्री वितरण हुने प्रशोधित पानीको अधिकतम खुद्रा मुल्य निर्धारण गरिएको छ । दैनिक उपभोग्य बस्तुको रुपमा प्रयोग हुँदै आएको प्लाष्टिक बोटल तथा जारमा बिक्री वितरण हुने साधारण प्रशोधित पानीको अधिकतम खुद्रा मुल्य सम्बन्धमा संघीय संसद, प्रतिनिधि सभा, उद्योग तथा वाणिज्य र श्रम तथा उपभोक्ता समितिबाट गठित बजार अनुगमन उपसमितिको अध्ययन प्रतिवेदन समेतका आधारमा मुल्य निर्धारण गरिएको हो । चितवनमा बोतलको पानीलाई २० रुपैयाँ र जारको पानीलाई ६० रुपैयाँ निर्धारण गरिएको छ ।
समितिले काठमाडौँ उपत्यका भित्र एक लिटरको बोटलको पानी अधिकतम खुद्रा मुल्य १६ रुपैयाँ र २० लिटरको जारको पानी अधिकत्तम खुद्रा मुल्य ४७ रुपैयाँ तोकेको छ । त्यस्तै काठमाडौँ उपत्यका बाहिर १ लिटरको बोटलको पानी अधिकतम खुद्रा मुल्य २० रुपैयाँ र २० लिटरको जारको पानी अधिकतम खुद्रा मुल्य ६० रुपैयाँ तोकेको छ । उल्लेखित मुल्य भन्दा बढी रकममा त्यस्तो प्रशोधित पानीको बोटल वा जार बिक्री वितरण गरेको पाईएमा उपभोक्ता हित संरक्षण ऐन, २०७५ तथा नियमावली, २०७६ बमोजिम सम्बन्धित बिक्रेतालाई हलैसम्मको कारवाही गरिने विज्ञप्ति उल्लेख गरिएको छ । साथै त्यस्तो मुल्य भन्दा बढी रकम तिरेर खरिद नगर्न र कहिँकतै कसैले जबरजस्ती बढी रकम लिन खोजेमा यस विभाग वा मातहतका कार्यालयमा, सम्बन्धित जिल्ला प्रशासन कार्यालय, इलाका प्रशासन कार्यालय वा स्थानीय तहमा सूचना दिई उपभोक्ताको हक हित संरक्षण योगदान पुत्याउन आम सर्वसाधारण उपभोक्तालाई अनुरोध गरिएको छ ।
