भरतपुर/पदमपुरको बनकट्टामा जारी खुल्ला नकआउट फुटबल प्रतियोगिताको मंगलबारको खेलमा आयोजक आयाम युवा समाज विजयी बनेको छ । चौधरी मोटर्स खैरहनीलाई १–० गोलले पराजित गरेको हो । निकै प्रतिस्पर्धात्मक चलेको खेल पहिलो हाफसम्म बराबरीमा रोकिएको थियो । आयाम युवा समाजका लागि दोस्रो हाफको १७ औँ मिनेटमा विजय श्रेष्ठले गोल गरे । यो गोल नै विजयका लागि अन्तिम निर्णायक बन्यो । तर, यस खेलको म्यान अफ् दि म्याच आयाम युवा समाजका मिड फिल्डर सुदान्स चौधरी भए ।

मनो गिरी स्मृति प्रथम कालिका कप खुल्ला नकआउट फुटबल प्रतियोगितामा १६ टिम सहभागि छन् । प्रतियोगिता अन्र्तगत बुधबार सेन्ट्रल कलेज एभरेष्ट क्लब र कालिका–८ को गौरीबारी फुटबल क्लबबीच खेल हुनेछ । कार्यक्रम संयोजक नगेन्द्र गिरीका अनुसार विजेताले २ लाख १० हजार र उपविजेताले १ लाख ५ हजार रुपैयाँ प्राप्त गर्नेछन् । असोज २२ देखि सुरु भएको प्रतियोगिता कार्तिक ६ गतेसम्म चल्नेछ ।