भरतपुर/नेपालीहरुको महान् चाड विजया दशमी लगायतका अन्य चाडपर्वहरुलाई मध्यनजर गर्दै नेपालमै पहिलोपटक चितवन मिडटाउन रिसोर्ट (सिएमटी) ले शनिबारदेखि मेम्बरसिप (सदस्यता) अफर सार्वजनिक गरेको छ ।
शनिबारदेखि लागू हुने गरि चितवनसंगै आसपासका तीनसय जनाको लागि मेम्बरसिप खुला गरिएको रिसोर्टका महाप्रवन्धक बोदराज लम्सालले जानकारी दिनुभयो । तीनसय दिनसम्म मेम्बरसिप कार्ड वितरण गरिने भएकोले मेम्बरसिप कार्ड लिई धेरै भन्दा धेरै सुविधा लिन लम्सालले आग्रह गर्नुभयो ।
१० हजार रुपैयाँ शुल्क लिई मेम्बरसिप कार्ड प्राप्त गर्ने तीनसय सदस्यहरुलाई एकवर्ष अवधिका लागि विभिन्न सेवा सुविधा दिइने महाप्रवन्धक लम्सालले बताउनुभयो । मेम्बरसिप बनेका सदस्यहरुले ५८ हजार ८०० रुपैयाँ बराबरको नगद सहुलियत पाउने छन् भने वर्षभरमा कुल डेढ लाख रुपैयाँसम्मको फाइदा लिन सक्नेछन् ।
सदस्यता लिने व्यक्ति वा संघसंस्थाले एक वर्षभित्रमा २ वटा कोठा र २ वटा ब्रेकफास्ट पूर्णरुपमा निःशुल्क पाउने छन् । ४ वटा मकटेल, २ जनालाई १४ दिनसम्म स्वीमिङ पुलमा सुविधा, ४ वटा ब्रेकफास्ट गरि २८ हजार रुपैयाँ बराबरको पूर्णरुपमा छुट पाउने छन् । यस्तै अन्य सेवा लिँदा क्यास भौचर कार्डको आधारमा छुट पाउने छन् । यी सबै गर्दा ५८ हजार ८०० रपैयाँको नगद छुट पाउने छन् ।
त्यस्तै एक वर्ष भित्रमै कोठा र लन्चमा २० प्रतिशत, डिनर, टेकअवे, किट्टी, जन्मदिन उत्सवमा १५ प्रतिशत छुट प्राप्त गर्नेछन् भने ब्याङक्वेटमा ५ प्रतिशत छुट पाउने छन् ।
चितवन नेपालकै केन्द्र भागमा रहेको र यहाँ आन्तरिक एवम् बाह्य पर्यटकहरुको समेत चहलपहल बढेको कारण पछिल्लो समय ठूला–ठूला रिसोर्टहरु खुल्ने क्रम तीब्र छ । रिसोर्ट खुल्ने क्रम बढ्दो भएकाले प्रतिस्पर्धा त्यतिकै रुपमा अघि बढेको कारण ग्राहकहरुको सेवाका लागि सिएमटी रिसोर्टहरुले नयाँ अफरको योजना ल्याएको रिसोर्टका प्रवन्ध निर्देशक मदन घिमिरेले बताउनुभयो ।
आफ्ना ग्राहकहरुसँगै अन्य रिसोर्टहरुसँगको सम्बन्ध नजिक बढाउने र रिसोर्टमा आउने ग्राहकलाई कसरी सधै रिसोर्टसंगै सहकार्य गर्दै अघि बढाउन सकिन्छ भनेर यो अफर ल्याएको घिमिरेले बताउनुभयो । रिसोर्टमा ४२ वटा कोठाहरु रहेका छन् । जसमध्ये २ वटा बिजनेस कोठा, कन्फ्रेन्स रुमहरु पनि यस रिसोर्टमा उपलब्ध छ । २ हजार जना क्षमताको ठूलो हल र एकैपटक पाँच वटा इभेन्टहरु आयोजना गर्न सकिने अन्य हलहरु पनि छन् । १०० जना क्षमताको रेष्टुरेन्ट र ५ सय क्षमताको पुलपार्टी गर्न सकिने रिसोर्टमा पार्किङको समस्यलाई ध्यानमा राख्दै एकैपटक २०० वटा कार पार्किङ गर्न सकिने व्यवस्था मिलाईएको छ ।
वि.सं.२०७८ पुसबाट भरतपुरको हाकिमचोकमा २२ कठ्ठा क्षेत्रफलमा संचालनमा आएको सिएमटी रिसोर्टमा चितवनका उद्योगी व्यवसायीहरुको कुल ३० करोड लगानी रहेको छ ।
