भरतपुर/पूर्वप्रधानमन्त्री एवं नेकपाका अध्यक्ष पुष्पकमल दाहाल (प्रचण्ड)द्वारा चितवन प्रदर्शनी केन्द्रको सभाहलमा आजदेखि शुरु भएको नेपालकै ठूलो अन्तर्राष्ट्रिय पोल्ट्री एक्स्पोको पुष्पकमल दाहाल (प्रचण्ड)द्वारा उद्घाटन गर्नुभएको छ ।

उद्घाटनका क्रममा नेकपा अध्यक्ष दाहालले पोष्ट्री क्षेत्रले समग्र राष्ट्रको आर्थिक अवस्थालाई चलायमान बनाएको र पोल्ट्री क्षेत्रमा ठूलो मात्रमा लगानी भएकोले पोल्ट्रीको समग्र विकासको लागि नीतिगत सुधारमा जोड दिनुपर्ने बताउनुभयो ।

नेपाल पोल्ट्री महासंघका द्वितीय उपाध्यक्ष टिकाराम पोखरेलले सञ्चालन गर्नुभएको एक्स्पोमा महासंघका अध्यक्ष गुणचन्द्र विष्टले स्वागत मन्तव्य राख्नुभएको थियो । कार्यक्रममा चितवन उद्योग संघका अध्यक्ष राजु पौडेल, भरतपुर महानगरपालिकाकी प्रमुख रेनु दाहाल, प्रमुख जिल्ला अधिकारी नारायणप्रसाद भट्टराई, उद्योग वाणिज्य संघ–चितवनका अध्यक्ष राजु श्रेष्ठ, जिल्लास्थित सुरक्षा निकायका प्रमुखहरु, उद्योगी, व्यवसायीहरुको सहभागिता रहेको थियो ।

एक्स्पोमा नेदरल्यान्ड, चीन, अमेरिका, टर्की, मलेशिया, इजरायल, भारत लगायत १३ देशका स्वदेशी तथा विदेशी गरी दुई सयभन्दा बढी प्रदर्शकको स्टल रहेका छन् । मिडिया स्पेश सोलुसन्स तथा फ्युचरेन्स ट्रेड एण्ड इभेन्ट प्रालिको सहकार्यमा आयोजना हुन लागेको प्रदर्शनीमा पोल्ट्रीका आधुनिक यन्त्र, प्रविधि, गुणस्तरीय औषधि, फिड सप्लीमेन्ट्स, डेरी उद्योग, दाना उद्योग र ह्याचरी लगायतका स्टलहरू रहेका छन् ।