भरतपुर/चितवन नेपाल ट्रेड युनियन महासंघ (जिफन्ट) भरतपुर महानगर पालिका कमिटको भेला तथा प्रशिक्षण कार्यक्रम कमिटीका अध्यक्ष कमरेड रुद्र उप्रेतीको अध्यक्षतामा यहि असोज ३ गते भरतपुर क्यान्सर अस्पतालको सभाहलमा सम्पन्न भएको छ । कार्यक्रमका प्रमुख अतिथी नेकपा एमाले का पोलिटब्यूरो सदस्य तथा चितवन जिल्ला इन्चार्ज कमरेड देवि ज्ञवालीले जिफन्टको घटक संगठन वडातह सम्म बिस्तार गर्नुपर्ने र सबै श्रमीकहरुको लागि सामाजिक सुरक्षाको प्रत्याभूति गर्न पार्टीको तर्फबाट सहयोग गर्ने बताउनु भयो। आगामी निर्वाचनमा एमालेको जित सुनिस्चित भएको र श्रमिक पक्षीय सरकार बनाउन एमालेको पक्षमा परिचालित हुन निर्देशन दिनुभयो।
कार्यक्रमका अतिथी पार्टी जिल्ला अध्यक्ष राम प्रसाद न्यौपानेले श्रमिकहरुले अधिकारको खोजी गरिरहदा कर्तव्य तर्फ पनि उत्तिकै जिम्मेवार बन्नु पर्ने भन्दै जिफन्टबाट अरु ट्रेड युनियन्हरुले पनि सिक्न पर्ने बताउनु भयो। कार्यक्रममा नाबुन केन्द्रिय कमिटी उपाध्यक्ष अन्जु गुरुङले स्थानिय तहमा श्रम डेस्क मार्फत श्रमीक पंिजकरणमा जोड दिनु पर्ने कुरा बताउनु भएको थियो भने जिफन्ट वाग्मती प्रदेश सदस्य शान्ति सुबेदिले कार्यक्रम को औचित्य र महत्वको वारेमा बताउनु भएको थियो। कार्यक्रमको प्रशिक्षण सत्रमा जिफन्ट वाग्मती प्रदेश अध्यक्ष रामहरि नेपालले आठौं रास्ट्रीय महाधिवेशनद्वारा पारित नीति तथा कार्यक्रम बारेमा र उपाध्यक्ष अर्जुन अर्यालले ट्रेड युनियन र राजनिती विषयमा प्रशिक्षण दिनु भएको थियो। कार्यक्रमको संचालन सचीव राजन ढकालले र स्वागत कमिटीका उपसचिव फुल्लु अधिकारिले गर्नु भएको थियो। उक्त भेलाले नेकपा एमाले जिल्ला कमिटी सदस्य तथा मजदुर इन्चार्ज अन्जु गुरुङको संयोजकत्वमा ३५१ सदस्यीय मजदुर क्षेत्र निर्वाचन परिचालन कमिटी समेत निर्माण गरेको छ।
