भरतपुर/चितवन उद्योग संघ महिला उद्यमी मञ्चको ३१ औं वार्षिक साधारणसभा र युवा उद्यमी मञ्चको तेश्रो वार्षिक साधारण–सभा संयुक्त रुपमा सम्पन्न भएको छ ।
चितवन उद्योग संघ, महिला उद्यमी मञ्चकी अध्यक्ष पार्वती सुवेदी कुँबर र चितवन उद्योग संघ, युवा उद्यमी मञ्चका अध्यक्ष सुरेन्द्र कार्कीको संयुक्त सभापतित्वमा सम्पन्न वार्षिक साधारणसभामा चितवन उद्योग संघका अध्यक्ष त्रिलोचन कँडेल प्रमुख अतिथि रहनुभएको थियो ।
प्रमुख अतिथि कँडेलले महिला र युवा उद्यमीहरुको संयुक्त सहकार्यमा भएको साधारणसभाले उद्योगीहरुमा भाइचाराको सम्बन्ध स्थापित गरेको बताउनुभयो । उहाँले आगामि दिनहरुमा समेत औद्योगिक प्रबद्र्धन गर्ने संघको अभियानमा महिला तथा युवा उद्यमीहरुले हातेमालो गर्दै अगाडि बढ्नुपर्ने बताउनुभयो ।
चितवन उद्योग संघ, महिला उद्यमी मञ्चकी उपाध्यक्ष सृजना सोतीले स्वागत मन्तव्य राख्नुभएको कार्यक्रममा चितवन उद्योग संघ, महिला उद्यमी मञ्चकी कोषाध्यक्ष सरिता खनाल पौडेल, युवा उद्यमी मञ्चका सदस्य सरोज बाबु घिमिरेले छुट्टाछुट्टै आर्थिक प्रगति प्रतिवेदन प्रस्तुत गर्नुभएको थियो । भने, चितवन उद्योग संघ, महिला उद्यमी मञ्चकी अध्यक्ष पार्वती सुवेदी कुँबर र चितवन उद्योग संघ, युवा उद्यमी मञ्चका अध्यक्ष सुरेन्द्र कार्कीले वार्षिक प्रगति प्रतिवेदन पेश गर्नुभएको थियो ।
साधारणभामा महिला उद्यमी मञ्चकी सचिव दक्षिणा गैह्रे न्यौपानेले महिला उद्यमी मञ्चको भावी योजना, युवा उद्यमी मञ्चका सदस्य एवम् सदस्यता बिस्तार विभागका संयोजक मुक्ति पोखरेल, युवा उद्यमी मञ्चका सदस्य एवम् संगठन बिस्तार विभाग जिल्लाभित्रका संयोजक अश्विन गोलेले आ–आफ्नो विभागले तयार गरेको विभागीय प्रस्तुतिकरण गर्नुभएको थियो ।
साधारणसभाको अवसरमा युवा उद्यमी मञ्चमा नव प्रवेशी मोर्डन पोल्ट्री प्रा.लि.का दिपक कँडेल, रिजाल फुड फुड्स वेभरेज इण्डष्ट्रिज प्रा.लि.का सौरभ रिजाल, युरो मेटल प्याकेजिङ्ग प्रा.लि.का विशाल चापागाईं, हेण्डसम बारबारका भुवल राना, ज्योति फुड प्रोडक्सका सुविन श्रेष्ठलाई सम्मान गरिएको थियो ।
साधारणसभाको अवसर युवा उद्यमी मञ्चले मञ्चका गतिविधिहरुमा सक्रिय सहभागिता, कार्यशैलीमा कुशलता प्रदान गरेको भन्दै मञ्चका कार्यसमिति सदस्य अश्विन गोले र युवा उद्यमी मञ्च इच्छाकामनाका अध्यक्ष भगवान नेपाललाई सम्मान गरिएको थियो ।
साधारण सभामा बागमती प्रदेश उद्योग परिसंघका अध्यक्ष भेषराज दुवाडी, नेपाल उद्योग परिसंघका उपाध्यक्ष कृष्णप्रसाद अधिकारीले शुभकामना व्यक्त गर्दै महिला तथा युवा उद्यमी मञ्चको सहकार्य निकै सह्रानीय भएको बताउनुभयो ।
युवा उद्यमी मञ्चका सदस्य भरत दवाडीले सञ्चालन गर्नुभएको साधारणसभामा चितवन उद्योग संघका पूर्व अध्यक्षहरु, पदाधिकारी एवम् कार्यसमिति सदस्यहरु, कार्यकारी निर्देशक, महिला तथा युवा उद्यमी मञ्चका संस्थापक अध्यक्ष, निवर्तमान अध्यक्ष, पदाधिकारी एवम् कार्यसमिति, इकाई समितिका अध्यक्ष, पदाधिकारी एवम् सदस्यहरु, सचिवालयका कर्मचारी लगायत उद्योगीहरुको उपस्थिति रहेको थियो ।