भरतपुर/चितवन उद्योग संघको विधानको दफा १९.३ बमोजिम संघको साधारणसभाबाट निर्वाचित ६ जना उपाध्यक्षहरुबाट गभर्निङ काउन्सिलको सिफारिसका आधारमा संघका उपाध्यक्ष सूर्य प्रसाद न्यौपाने बरिष्ठ उपाध्यक्षमा चयन हुनु भएको छ ।
चितवन उद्योग संघका अध्यक्ष त्रिलोचन कँडेलले १६ औं कार्यसमितिको एक विशेष बैठकमा सूर्य प्रसाद न्यौपानेलाई बरिष्ठ उपाध्यक्ष चयन हुनुभएको घोषणा गर्नुभएको थियो ।
बरिष्ठ उपाध्यक्ष सूर्य प्रसाद न्यौपानलेले पदभार ग्रहण गर्दै संघको उचाईलाई कायम राख्न आफू हरतरहले लागि पर्ने बताउनुभयो । अहिले आफू बरिष्ठ उपाध्यक्ष मात्र चयन भएको अध्यक्ष पदको लागि अझै धेरै कामहरु गर्न बाँकी रहेको हुँदा सबै साथीहरुसँग हातेमालो गर्दै अगाडि बढ्ने बताउनुभयो । काम गर्ने सिलसिलामा आफूले संघको आँच आउने कुनैपनि कार्य गरेमा आफू त्यसको भागीदार हुने समेत बताउनुभयो ।
पदभार कार्यक्रममा संघका गभर्निङ काउन्सिलका अध्यक्ष एवम् संघका पूर्व अध्यक्षहरु तारा प्रसाद पौडेलले बरिष्ठ उपाध्यक्षमा रहँदा संघको मर्म र भावना अनुरुप संघको हितानुकुल कार्य गर्न सल्लाह समेत दिनुभयो । सो अवसर उहाँले सफल कार्यकालको लागि
Advertisement
बधाई एवम् शुभकामना समेत व्यक्त गर्नुभयो ।
