चितवन/पूर्ब संञ्चारकर्मी बिष्णु सापकोटा (प्रभात)ले नेपाल पत्रकार महासंघ चितवन शाखाको कल्याणकारी कोषका लागि रु १ लाख सहयोग गर्नु भएको छ । बिगत १५ वर्ष देखि अष्ट्रेलिया बस्दै आउनुभएका प्रभातले सन २०१९ मा महासंघलाई दिने भनेको रकम आज एक कार्यक्रमका बिच हस्तान्तरण गर्नुभएको हो ।
Advertisement
मल्ट्रि ड्राइनामी रियलस्ट्रेट सञ्चालन गर्दै आउनुभएका प्रभातले सन २०१७ देखि रियल स्ट्रेटको काम सुरु गर्नुभएको हो । उहाँ सहित ३ जना नेपाली मिलेर यो काम सुरु गरेका सापकोटाले अहिले सम्म दुई हजार भन्दा बढिलाई सेवा दिईसक्नु भएको छ । अष्ट्रेलिया गएर पढ्ने बिद्याथीहरुलाई घर भाडामा दिने देखि बिक्रि गर्ने सम्मका काम यस कम्पनीले गर्दै आएको छ ।
रु ५ लाख देखि २५ लाख सम्ममा घर बिक्रि गर्ने गरेको उहाँले जानकारी दिनुभयो । पत्रकारहरुको कल्याणका लागि खोलिएको सो कोषमा रकम हस्तान्तरण गर्दै उहाँले सबै मिलेर काम गर्न सके सफलता मिल्ने बताउनुभयो । कार्यक्रममा बोल्दै नेपाल पत्रकार महासंघ चितवन शाखाका अध्यष नारायण प्रसाद अधिकारीले महासंघले निर्माण गर्न लागेको तालिम केन्द्रका लागि समेत सहयोग गर्न आग्रह गर्नुभयो ।
