भरतपुर/नेपाल प्रहरी शिक्षालय र भरतपुर महानगरपालिका वडा नम्बर १० को समन्वयमा भरतपुर महानगरपालिका वडा नम्बर १० को सरसफाई अभियान अन्तरगत जिल्ला चितवन भरतपुर महानगरपालिका वडा नम्बर १० रहेको शिवालय मन्दिर लगायत महाकालेश्वर टोलमा सरसफाई कार्यक्रम सम्पन्न भयो । उक्त कार्यक्रममा नेपाल प्रहरी शिक्षालयका निर्देशक प्रहरी नायव महानिरीक्षक श्री सन्दिप भण्डारी लगायत नेपाल प्रहरी शिक्षालयमा कार्यरत प्रहरी कर्मचारीहरू र प्रशिक्षणरत प्रशिक्षार्थीहरू गरी २५० जना, भरतपुर महानगरपालिका वडा नम्बर १० का वडाध्यक्ष परमेश्वर खनालज्यू लगायत सदस्यज्यूहरू, महाकालेश्वर टोल विकास संस्थाका पदाधिकारीज्यूहरू, स्थानिय आमा समुह लगायत विभिन्न संघ संस्थामा कार्यरत बुद्दिजिवीज्यूहरूको उपस्थिती रहेको थियो । कार्यक्रममा १० नम्बर वडाध्यक्षज्यूले नेपाल प्रहरी शिक्षालयले यस सरसफाई अभियानमा दिएको साथको प्रशंसा गर्नुहुदै आगामी दिनको लागि समेत वडाले सहयोगको अपेक्षा राखेको बताउनुभयो ।
उक्त कार्यक्रममा बोल्नुहुदै यस नेपाल प्रहरी शिक्षालयका निर्देशक प्रहरी नायव महानिरीक्ष श्री सन्दिप भण्डारीज्यूले समाजको हरेक सकारात्मक पाटोको लागि प्रहरी साथै रहेको र यस्ता कार्यक्रम सांकेतिक मात्र भएकोले आफ्नो घर, आगन, टोल आ(आफ्नो स्तरबाट सबै एकजुट भएर लागेमा यस्ता अभियानले सार्थकता पाउने भएकोले यस्ता अभियानमा जोडिन सम्पूर्णमा आह्वान गर्नुभएको थियो ।
