काठमाडाैं /अन्तर्राष्ट्रिय युवा दिवसको अवसर पारेर भरतपुर महानगरपालिकाले विविध कार्यक्रमहरू सञ्चालन गरेको छ । भरतपुर महानगरपालिकाले सो अवसरकाे पूर्वसन्ध्यामा रक्तदान कार्यक्रम, वृक्षारोपण, अध्ययन अवलोकन भ्रमण, पुस्तक हस्तान्तरण तथा बुद्धिचाल प्रतियोगिता आदिको पनि आयोजना गरेको हाे । अगस्ट १२ लाई अन्तर्राष्टि्य युवा दिवसका रूपमा मनाउने गरिन्छ ।

सोही अवसरमा भरतपुर महानगरपालिकाकी मेयर रेणु दाहालले रक्तदान गरेर रक्तदान कार्यक्रमकाे शुभारम्भ गरेकी छिन् । रक्तदान कार्यक्रम श्रावण २६ गते बिहान ११ बजेदेखि शुरु भएको थियो । यस रक्तदान कार्यक्रमलाई तीन महिने घुम्ती रक्तदानका रूपमा सञ्चालन गरिने भएको छ ।