कालिका/समाज सेवाको पवित्र उद्देश्य लिएर विभिन्न कार्य, क्षेत्र तथा पेसामा आवद्ध ब्यक्तिहरुको सामुहिक प्रयासबाट “समाजका लागि महिनाको एक दिन” भन्ने अभियान लिएर स्थापना भएको सारथीले आज कालिका नगर वडा न: ५ मा “क्यान्सर, बाल रोग तथा बालबालिका वृद्धि बिकास र मुख स्वास्थ अभिमुखिकरण तथा निशुल्क दन्त स्वास्थ शिविर ” मार्फत सामाजिक कार्यको थालनी गरेका छ।

Advertisement

एपोलो डेन्टल क्लिनिक, चौबिसकोठीको प्राबिधिक एवं आर्थिक सहयोगमा भएको उक्त कार्यक्रमको स्थानीय संयोजन कालिका-५ स्थित नमुना आमा समूह र कालिका नगरपालिका वडा न-५ को बडा कार्यालयले गरेको थियोे । उक्त कार्यक्रम नमुना आमा समुहको अध्यक्ष श्रीमती सीता दाहालको अध्यक्षतामा र कालिका नगरपालिकाको नगरप्रमुख बिनोद रेग्मीको प्रमुख आतिथ्यतामा सम्पन्न भयो ।

कार्यक्रममा कालिका नगरपालिका वडा नं ५ का बडा अध्यक्ष श्री दिपक बहादुर भट्टराई, सारथी समुहका सदस्यहरु डा. बासुराज पाण्डे, डा. किशोर उप्रेती , डा. जीवन क्षेत्री, बुध्दिनाथ अधिकारी, निलकण्ठ रिजाल , रमेश शर्मा पौडेल लगाएत समाजका लब्धप्रतिष्ठित ब्यक्तिहरुको उपस्थिती रहेको थियो । कार्यक्रममा बिशेषज्ञ डा. जीवन क्षेत्रीले क्यान्सर रोग सम्बन्धि, बरिस्ठ बाल रोग बिशेषज्ञ डा. किसोर उप्रेतीले बाल रोग तथा बालबालिका वृद्धि बिकास सम्बन्धि र बरिस्ठ अर्थोडेन्टिस डा. बासुराज पाण्डेले मुख स्वास्थ तथा दन्तरोग सम्बन्धि प्रशिक्षण दिनुभएको थियो । स्वास्थ सिबिरमा करिब १५० जनालाई निशुल्क दन्त परिक्षण र ओषधी बितरण गरिएको थियो ।