भरतपुर/वडा प्रहरी कार्यालय नारायणगढ चितवनबाट खटिएको प्रहरी टोलिले भरतपुर महानगरपालीका वडा नं. ०१ लिलाचोक बाट डाईजेपाम ७१ एम्पुल, प्रोमोताईजेन ७५ एम्पुल र नफिम ७१ एम्पुल गरी जम्मा २१७ एम्पुल लागुऔषध सहित २ जनालाई पक्राउ गरेको छ ।

सडकमा शंकास्पद रुपमा उभिईरहेका भरतपुर महानगरपालिका वडा नं. ०१ बस्ने बर्ष २५ को बिष्णु के.सी. र भरतपुर महनगरपालिका वडा नं. ०२ बस्ने बर्ष २७ को आशिष चौधरीलाई चेकजाँच गर्दा निलो रङको फाईबरको झोलामा लुकाईछिपाई ल्याएको लागुऔषध डाईजेपाम ७१ एम्पुल, प्रोमोताईजेन ७५ एम्पुल र नफिम ७१ एम्पुल गरी जम्मा २१७ एम्पुल लागुऔषध सहित पक्राउ गरेको हो।
उनीहरुलाई चितवन जिल्ला अतालतबाट लागुऔषध मुद्दामा म्याद अनुमति लिई थप अनुसन्धान भईरहेको जिल्ला प्रहरी कार्यालय चितवनका प्रहरी नायव उपरीक्षक नरहरी अधिकारीले जानकारी दिनुभयो।