भरतपुर/नेपाल सरकार उद्योग वाणिज्य तथा आपूर्ति मन्त्रालय लघु, घरेलु र साना उद्योग प्रबद्र्धन केन्द्रको सहयोग, चितवन उद्योग संघको समन्वयमा कार्यस्थलमा आधारित रोजगारमुलक प्रशिक्षण कार्यक्रम अन्तर्गत प्रशिक्षार्थी छनौट कार्यक्रम सम्पन्न भएको छ ।
रोजगारदाता, स्वस्ती व्यूटी पार्लर एण्ड टे«निङ्ग सेन्टरकी सञ्चालिका एवम् चितवन उद्योग संघ महिला उद्यमी मञ्चकी उपाध्यक्ष सृजना सोतीको अध्यक्षतामा सम्पन्न कार्यक्रममा चितवन उद्योग संघका अध्यक्ष त्रिलोचन कँडेल प्रमुख अतिथि रहनुभएको थियो । प्रमुख अतिथि कँडेलले प्रबद्र्धन केन्द्रको सहयोगमा हुन लागेको व्यूटीपार्लर (बेसिक÷एडभान्स), बारबर, फोटोग्राफर तालिमले युवायुवतीहरुमा रोजगारीको सिर्जना, सीपसँगै क्षमता वृद्धि हुने विश्वास व्यक्त गर्नुभयो ।
स्वस्ती व्यूटी पार्लर एण्ड टे«निङ्ग सेन्टरकी सञ्चालिका सृजना सोतीले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा नेपाल सरकार उद्योग वाणिज्य तथा आपूर्ति मन्त्रालय लघु, घरेलु तथा साना उद्योग प्रबद्र्धन केन्द्रकी मेकानिकल इन्जिनियर लक्ष्मी श्रेष्ठ, चितवन उद्योग संघका उपाध्यक्ष एवम् नीति निर्माण विभाग एवम् औद्योगिक पाठशाला विभागका संयोजक युग राज वस्ती, चितवन उद्योग संघ महिला उद्यमी मञ्चकी अध्यक्ष पार्वती सुवेदी कुँबर, महिला उद्यमी मञ्चकी कार्यसमिति सदस्य राधा शर्मा, संघका सञ्चार अधिकृत राजु भट्ट, कार्यक्रम अधिकृत विकास भट्ट, इभेन्ट अधिकृत दिपक दुवाडीको समेत उपस्थिति रहेको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई रोजगारदाता एवम् दिलिसा व्यूटी पार्लर एण्ड टे«निङ्ग सेन्टरकी सञ्चालिका लक्ष्मी देवकोटाले धन्यवाद मन्तव्य सहित छनौट प्रक्रियाको शुभारम्भको घोषणा गर्नुभएको थियो । छनौट प्रक्रियामा नेपाल सरकार उद्योग वाणिज्य तथा आपूर्ति मन्त्रालय लघु, घरेलु तथा साना उद्योग प्रबद्र्धन केन्द्रकी मेकानिकल इन्जिनियर लक्ष्मी श्रेष्ठ, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, रोजगारदाता स्वस्ती व्यूटी पार्लर एण्ड टे«निङ्ग सेन्टर भरतपुर, दिलिसा व्यूटी पार्लर एण्ड टे«निङ्ग सेन्टर रत्ननगरका प्रतिनिधिहरु रहनुभएको थियो । तालिम व्यूटीपार्लर (बेसिक/एडभान्स), बारबर, फोटोग्राफर विधामा दिईनेछ ।
Advertisement
