खैरहनी/चितवन उद्योग संघ खैरहनी इकाई समितिको आयोजनामा चितवन उद्योग संघ तथा चितवन औद्योगिक विकास सोकोसको सदस्यता विस्तार योजनाको जानकारी एवं सुरक्षा निकायका प्रमुखज्यूसँग उद्योगीहरुको परिचयात्मक कार्यक्रम सम्पन्न भएको छ ।
चितवन उद्योग संघका कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठको सभापतित्वमा सम्पन्न कार्यक्रममा चितवन उद्योग संघका उपाध्यक्ष त्रिलोचन कँडेल प्रमुख अतिथि रहनुभएको थियो ।
चितवन उद्योग संघ खैरहनी इकाई समितिका सदस्य युवराज पाठकले स्वागत गर्नुभएको कार्यक्रममा संघका उपाध्यक्ष एवं सरकारी एवं गैर सरकारी समन्वय तथा औद्योगिक शिक्षालय निर्माण विभागका संयोजक त्रिलोचन कँडेलले संघ र सहकारीले गर्दै आएका कार्यहरुको बारेमा जानकारी गराउनु भएको थियो ।
कार्यक्रममा इलाका प्रहरी कार्यालय, खैरहनीका प्रहरी निरीक्षक ऋषिराम घर्ती मगरलाई कार्यक्रमका प्रमुख अतिथि त्रिलोचन कँडेलले सम्झनाको चिनोद्वारा स्वागत गर्नुभएको थियो । यसैक्रममा रत्ननगर इकाई समितिका अध्यक्ष एवं संगठन विस्तार एवं सदस्यता वृद्धि विभागका संयोजक गजेन्द्र अधिकारीले खैरहनी इकाई समितिलाई संगठन विस्तार एवं सदस्यता वृद्धि विभागले तयार पारेको कार्ययोजना प्रस्ताव समेत हस्तान्तरण गर्नुभएको भएको थियो ।
कार्यक्रममा चितवन उद्योग संघका निवर्तमान अध्यक्ष भेषराज दुवाडी, पूर्व अध्यक्ष भीमबहादुर पाण्डे, उपाध्यक्षहरु दुर्गाप्रसाद भण्डारी, कार्यसमिति सदस्य एवं कालिका इकाई समितिका अध्यक्ष प्रकाशचन्द्र भट्टराई, कार्यसमिति सदस्य टिकादत्त अधिकारी, पूर्व कार्यसमिति सदस्य राशी लामा, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, खैरहनी इकाई समितिका सदस्यहरु, केशवराज खनाल, डोलबहादुर कार्की (अविनाश), शिवप्रसाद चिमरिया लगायतका उद्योगीहरुको उपस्थिति रहेको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई खैहरनी इकाई समितिका अध्यक्ष एवं संघका कार्यसमिति सदस्य प्रतिभा श्रेष्ठले धन्यवाद मन्तव्य सहित समापन गर्नुभएको थियो ।